ولاني ( وكيل آدم على ذريـّـته )

ممآ راق لي


للشاعر / مقـرن سلطان البهيـجي



[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,black" type=2 line=0 align=center use=sp num="0,black""]
يالله ياللي ما على نصرك نصر= تفرج لعبد ٍ قافله نفسيـّته
بحسن الختام ولا يعذب فالقبر=وملائكتـْك استبشروا في جيـّته
وليا نـُفخ فالصور في يوم الحشر=تقبل بحسناته وتدمح سيـّته
دنياً تدور ولا عليها مسستقر=كل ٍ تبع مصالحه وشهـيـّته
ولابد ماناخذ من الدنيا عبر=ويصحون منها اهل القلوب الميـّته
اختلفت الدنيا ومقبلها آمر=وبانت نوايا قبل وقت مبيــّتته
ولا عاد نفرق في شيوخ وفي جبر =الطيّب اللي تتبعه شعبـيـّته
وأوضاعنا ميؤوس منها يا بشر=ليه الثقيل مشابه ٍ عاديـّته .؟
القدس محتله واراضيها دهر=(والداء آخرت الدواء بكيـّته)
احوال الامه يا ملكنا في خطر=للي كـُتب (مسلم )على جنسيـّته
الاوله صدام في عيد النحـر =علامة (؟) منهو ضحيـّته
محد ٍ على بغداد من بعده قدر=الشامخ اللي سيرته ماريـّته
تبكيه شوخ ٍ جالها فعل وذكر=وتبكيه في كل العياد بنيـّته
والثانيه حر ٍ على العليا شهر=من قو دينه وافيه شخصيـّتـه
جثة بطل معقول ترمى في بحر!=ما غير راسك يا اوباما ديـّته
والثالثه ما صار في تونس جهر=كل ٍ يبي في دولته حريـّتـه
ابو عزيزي ولـّع بنفسه قهر=وإعلامهم وضّح مقاصد نيـّته
والرابعه ماصار في ساحة مصر=حسني جنت عليه جمهوريـّته
والخامسه يبقى مسلسل مستمر=وفي آخر الحلقه تجي عيديـّته
معمر القذافي اللي لا حضر =الله محلى فاللقاء عفويـّتــه
والسادسه بحريننا عاد بفخر=من بعد ابن عيسى حذف طاقيـّته
بمجلس هل العوجا مقابيس الضفر=اللي زبن ثم رحبو في جيـّته
ومرسومك اللي من على الشاشه صدر =ياقايد ٍ كل العرب في فيّـته
والسابعه صنعا و طاحت من كسر=واللي كسرها عزز لحـوثيـّته
والثامنه بشار في شعبه غــدر=الشيعي اللي بيـّنت شيعيـّتــه
ودك على جوه تسوي له حضر=يالين يفقد فالبلد شرعيــّته
ضيـّق على السنه وحدرهم عصر=والسني أمسى كاره ٍ سوريـّته
احوال الامه يا ملكنا في خطر=للي كـُتب (مسلم) على جنسيـّته
من شاعر ٍ يبدع وينحت في صخر=وقصيدته تجيك في برقيـّتـه
وجهة نظر والكل إله وجهة نظر=ولاني (وكيل آدم على ذريـّته) [/poem]