قصيده غزليه للامير عبدالعزيز بن سعود(السامر) ومجاراتي لها

قرأت قبل فترة قصيده غزليه لأبوراشد الأمير عبدالعزيز بن سعود (السامر) في مجلة قطوف بعنوان فراق واعجبتني كثير وارغمتني على مجاراتها واتمنى ان تعجبكم رغم بعدالمستوى الشعري بيني وبين ابو راشد لكن مجرد مجاراته شرف لي ولشعري

[poem=font="Simplified Arabic,5,blue,bold,normal" bkcolor="transparent" bkimage="" border="inset,5,skyblue" type=2 line=1 align=center use=ex num="0,black""] هذا فراق ٍ ما ذكر مثله افراق=إلا فراق الموت نهّاب الارواح
فرقا تحل اوزارها وانت مشتاق=يا كيف منها تقضي الوقت مرتاح
وشلون اسلّي خاطري كل ما ضاق=ما همني من جا قبالي ومن راح
فكري بعد من سكرة الحب ما فاق=مما تشوف العين ودعت الافراح
يوم الفراق اليوم وقف على ساق=ما بين مجروح ٍ وما بين جراح
دفنت في حضن الصبر عيد الاشواق=يمكن ظروف الصمت تسعى بالاصلاح
يلومني شخص ٍ من الوصل ما ذاق=ما يعتق المذبوح من عين ذبّاح
راع الهوى مجموعة أشواق واخلاق=يقوم من عثرات الاحباب لو طاح
لو تختلف عذب المشارب والاذواق=ما يلتفت للبارق الحي لا لاح
مشاعر الفرقا على بيض الاوراق=تصورت في ناظري مثل الاشباح
شعر الأمير عبدالعزيز بن سعود بن محمد آل سعود[/poem]

مجاراتي لقصيدة ابوراشد

[poem=font="Simplified Arabic,5,royalblue,bold,normal" bkcolor="transparent" bkimage="" border="inset,5,skyblue" type=2 line=1 align=center use=ex num="0,black""] ياشاعرٍ تتعب على كل مالاق=جزل البيوت اللي لها الفكر صداح
دايم خيالك لأجزل الصيد لحاق=حرٍ بجوالشعر كافخ وسباح
قصايدك تعدت حدود الافاق=شردٍ يتعب وصفها كل لماح
ومعناك متميز على غيره وفاق=صادق بماتعنيه ماأنته بمزاح
ياشاعرٍ للنادرة دوم سباق=اعجابي بشعرك وجب عنه الإفصاح
لوتشتكي فرقى الحبيب من الاعماق=قلت الصحيح وصادق العشق فضاح
فرقى الحبايب كيف ياامير تنطاق=اقوى من الطعنات بسيوف ورماح
اثرت يالسامر على كل عشاق=لوكان داله هلت دموعه وناح
كنك تكلم عنه وبهمه انساق=والحزن لصدور المجاريح يجتاح
يحزن ولامن شالها خاطره راق=يطرب وعنه الهم يبعد وينزاح
ومن لايشيد بشعرك الجزل ينعاق=ماعد من قوم المكاسب والارباح
[/poem]
الشاعر بدر بن نايف بن عصاي