موجة حزن

السلام عليكم ورحمة الله وبركاته:
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


ياحادي ركاب الحزن لا تيقض الأوطان =على صبح يومٍ فال ربي ولافاله
بكى الشعر وابكى الشاعر الداله الطربان=ومن ضيقته لاعاد تنشد عن أحواله
وبكت هامه المصمك وجاوب قصر دسمان=ولجّ الخليج وضاق جاله على جاله
وطوى الصبر قلب اللي غمر قلبه الايمان =وذّرف دمع شيخٍ خيّم الحزن في باله
وغشى الكون موجة حزن ساعة رحل سلطان=وحتّى القصيد اللي بيرثيه يرثاله
ياعظم الجلل لكن مايقضي عظيم الشان=رضيناه لو هي موجعه حطّة ارحاله
لك الحمد ولك الشكر يالواحد الديّان=ولنا الصبر عن همٍ فطر كبد شياله
عزآنا في ابو خالد ليا دارت الأزمان =وفاه ونباه ومد يمناه وأعماله
ياكم ساعد المحتاج وانفق من الإحسان=وياكم زاح ضيم اللي من البعد يعناله
وياكم عال من الأيتام وأجزل عطا الفقران=وياكم مدّت ايمينه مالا تعلم شماله
وياكم رد روع الخايف وضمّد الأكوان=وياكم عالج المرضان واغناه من ماله
قويٍ فـ فرض الحق لكن بقلب إنسان=رحيمٍ عطوفٍ يعتق الغصن لاطاله
أمير الوفا عد الرها قايد الشجعان=وزير الدفاع اللي على الشمّ منزاله
زبون الصعاب الكايده مرهب العدوان=على كل حاله هامه المجد تحناله
زرع حبه بكل القلوب ورحل سلطان=وحصد دعوةٍ من كل الأقطار تدعاله
عساه الله يثيبه جنة الخلد والرضوان=مع ازكى البريه سيّد الأمه وآله
ويحسن عزانا فيه مع كل صبحٍ بان=لأنّا بنبطي والحزن موثق أغلاله
مابين الليالي والحدث .. والحدث.. شتان=والإنسان خاتمته دليلٍ على أفعاله
فـحاكم يوادع شعبه موادع الأخوان =وحاكم يموت وشعبه يدوس تمثاله [/poem]