فصول الروايه

السلام عليكم ورحمة الله وبركاته


وكل عام وانتم طيبين


من جديد:


الجديد:

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


ياعنود الصيد واحلى الغيد ياغايه منايه=كل يوم اذكر حياه الوصل وامجد سنينه



وش يقول اللي وداعك له من الدنيا نهآيه=بعد رحتي وانقطع حبل الموده في يدينه


مالي الا احذف جميع آمالي وحلمي ورايه=وارحل لساحل ضياعي واغلق ابواب المدينه


ما اتخذت الحب في الدنيا وسيله لاجل غايه=ايه انا الرجل العزيز اللي قهر قسوة سنينه


ارحلي والله معك وان مر زولك في المرايه=ماذكرك الا الوفا والصدر مابيّح كنينه


والزمن من بينا بالحكم والأيام جايه=والغدر بيض النوايا الطيبه بيني وبينه


افتحي باب التسامح واقفلي باب الوشايه=انتي الموطن وملجأ القلب لاهزّه حنينه


انزلي في واقعي ولا ارحلي حلم وحكايه =والله ان تبقين في داخل شراييني رهينه


من هزيع الليل يعزف لك فواد الهم نايه=واصطتدم صبح الامان بموجه الليل الحزينه


غرقت احلام الفقير وضيّعت الايام رايه=واستدان الفرحة امن الوقت لين اغرقه دينه


الهوا قتال واللي صار وسط احماه تايه =لا حدٍ يشره على طيبه ولاطولة يمينه


المتاعب ترسم اللوعات وفصول الروايه=تختصرها نبره المشتاق قبل دموع عينه


كل ماعادت بي الذكرى على أيام البدايه=قمت انادي وين موطنها ورد الوقت وينه


ثم غشيت ولاصحيت الا على صرخة ندايه=ياصدى صوت النحيب الله من كبر الغبينه


الخطا يبقى خطاها والوفا يبقى وفايه =والفراق الله يهينه والغلا الله لايهينه[/poem]