امانه والأمانه يجب أن تصل

هذه القصيده لأحد شعراء الجنوب الكبااار وهو/الشاعر علي بن حسين بن كردم القحطاني موجهه للشاعر الكبير/عبدالله بن عون وهذا الشاعر لا يعرف عن النت غير أسمه وأنا من باب حمل الأمانه رغم أنها في ذمتي من أربع أشهر حبيت أوصلها من خلال منتديات المرقاب لعلها تصل الى ابو نايف
[poem=font="Simplified Arabic,6,blue,normal,normal" bkcolor="transparent" bkimage="" border="solid,6,white" type=2 line=0 align=center use=ex num="0,black""]

لاحول من هم عليه اغلق الجاش=هون علي ياهجس الشعر بشويش
أنا عن أزعاج البلد كيف أبنحاش=ومراجع الفاسد وراعي البخاشيش
يازين في الروض الأخضر شوف الأدباش=شوف الدبش ما سرحه بنقلاديش
في خايع له منظر يدهش أدهاش=زافت زهوره بعد صب النشانيش
زرق(ن) وصفر وبيض مثل أبيض الشاش=وحمر على الأغصان مثل الطرابيش
ريح الزهور يسوق به نود وأرشاش=كما يساق الطيب بين المداغيش
وجاري المسيله شربته تنعش أنعاش=هذا هوى نفسي وذي لذة العيش
شربت من عذبن على جمته طاش=يروي معاليق الفؤاد المعاطيش
وارتاح بالي بعد ماكنت منداش=قفرن خلي ولا على الفكر تشويش
اسج في دنياي والوقت غشاش=لازم ينوش أمن الليالي مناويش
لا بد من عقب الأقامه بمطراش=مطراش ماهوا مثل باقي المطاريش
أن جاتك القدره ولا عد منهاش=ما ردها عنك كثير المحاويش
دنياك يا(بن عون) صيورها ماش=من غرته مسكين يفرح على ويش
لو يملك أبراج وغيره في اعشاش=همش عليها دور الأيام تهميش
والله ما تسوى زعل يوم وهواش=أن كان يا بو نايف الناس في طيش
لا واهني اللي بوقت مضى عاش=قطاعة الفرجه على ظمر الجيش
لا خيلوا برق ونوّو بمغباش=اهل المساري المبعده والمغابيش
خيالهم لوّ زهم يوم اللقى شاش=ستر العذارى لا بسات الدناديش
راحوا وعصرك ياعصافير الأعشاش=ماهوا بعصر الأشقر أمقرنس الريش
الحرّ ضاع وصار بالوكر خفاش=وصاروا النشامى يتبعون الدراويش
[/poem]شعر/علي بن حسين بن كردم القحطاني