تعبت أدوّر شخص يستاهل الحب

..


السلام عليكم ورحمة الله وبركاته

..

شطحه !

سال دمعي فوق خدي وسال دمعك
.. .. .. دمعة الفرقى ترى غير الخيانه !

سال دمعي من سبب صدّك وقمعك
.. .. .. لكن أنتي دمعتك سالت عشانه ..

..


ياغايبه أنتي وأنا مالنا ذنب
آسف إذا كان الخطا من وضوحي
..
تذكري وش كان يعني لك الحب
يوم الغلا عذري وصمتي وبوحي
..
لاتقتلين الشوق وإحساسي العذب
يكفي على طاريك تنزف جروحي
..
وإن كان ما لجروحي الداميه طب
عزي قبل يوم المفارق طموحي
..
وخلي خفوقي للهوآ كل ماهب
واخذي جميع اللي بقى لك وروحي
..
دام القلوب بعاد وش قيمة القرب
برتاح من همي وغمي ونوحي
..
ماكان قلبي قبل لا اعشقك صلب
والحين بشري راحته في نزوحي
..
وياقلب لا تشره على الناس ياقلب
عندك أنا أقرب مثل كان توحي
..
تعبت أدوّر شخص يستاهل الحب
ومن التعب حبيت روحي بروحي

تنويه !


احساسنا اليوم هذا غير والعام غير
.. .. .. غيبي مادام إن ( أحبّك ) ماهي بكافيه

كل عام وانا بعد فرقاك ماني بخير
.. .. .. وكل عام وانتي بخير وصحه وعافيه

..