بري حالي باغزال ٍ رفيع ٍ مستواه .

اسعد الله جميع اوقاتكم بكل خير أهل المرقاب ..
[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


ما لقلب الولـْـف غير الوليف ولا سواه =من يخفف ضيقة الصدر ويكفّ الدموع
بريْ حالي ياغزال ٍ رفيع ٍ مستواه =فوق .. فوق .. ومنزله ينعرف بين الجموع
من سلالة روس .. والعلم واضح مبتداه =ومع سموّ الأصل طبع ٍ يفوق " إ" عن الطبوع
أشهد إن القلب يمّه نحاوي من غلاه =صرت انا ويّاه مثل الثلاثا والربوع
أعشقه عشق ٍ بلا قيس .. وامشي في رضاه =وعن كلام الناس قفّلت بيبان السموع
لاكلام .. وإتهام ٍ صريح .. ولا اشتباه =إستحل القلب واصبح ورى حدب الضلوع
من غلاه أشوفه يلوح في كل إتجاه =لين يجذبني وانا له تجاوزت القـْـطوع
آصل لبابه وأعديه .. واحساسي يباه = وآحذ الدوّار .. وارجع وانا مالي رجوع
ليت ربي حطني جار من ضمن قصراه =والله اني ماقطع الوصل لو حظي قطوع
كان أزوره واكحل العين وآسلـّـم علاه =المهم أجيه لو كان مره فالسبوع
حي وجه ٍ يبتسم لي وحي الله نباه =وحي صدر ٍ يجهر العين من زود السطوع
وحي عين ٍ كنها عين شيهان ٍ رباه = من يهمه خاطر الطير ولحبه خضوع
شوفته تشفي غليلي .. وقلبي ما نساه =ياعساااااني ما أعدمه بالنزول وبالطلوع
[/poem]