فرقى عين

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لو تزعلين ومن عنادك تصدين = ماجاتك الدنيا على ماتبينه

علاقةٍ تنزف ومن عدة سنين= ماهيب والله يافلانه متينه

مواقفك تعكس شعورك وتدرين = ان النهايه في هوانا حزينه

ماهو على كيفك تجين وتروحين = شخصٍ ملاه الضيق لاتحترينه

خليه يفتح للحقيقه عناوين = ويكتب على البيداء حكاية سنينه

حزنه على وجهه رسوم وتلاوين = لوّه ضحك سنه مابيّن بعينه

مشاعره زفره وونه وبيتين = صعبه عليه انك كذا تجرحينه

كفه على خده وفي محجر العين = شرهة غرامٍ في طرفها غبينه

يومه تعب تايم وليله بــ ليلين = واغلب جلوسه في حدود المدينه

وانتي على همه وجرحه تنامين = فعلك جهر ذنبه ولاتسترينه

روحي بقايا بصمتك فــ الشرايين = وهّوّه على مافيه ربه يعينه

روحي على مهلك ولاقايلٍ وين = مانتي كفو لاعذب غلاه وحنينه

ايه استخار وقالت ضلوعه اّمين = من شان فرقى عين تكرم مدينه[/poem]