سود الاماني

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
هذا انا .. ماآريد حظـي ماارتجيـه=هـذا انـا وآمـد كفـي لاعطانـي
واعشق اليوم الذي ماعشـت فيـه=واكره اللي مر لـو ماهـو زمانـي
كل شي ٍ ماعرفته .. صـرت ابيـه=دام كـل اللـي عرفتـه مابغـانـي
المكان استحقـره .. وارجـع إليـه=والزمـان اتعبنـي بوخـز الثوانـي
واستريح ان عاث شعري بالوجيـه=لارميت البحر واصطـدت الموانـي
دفتري لاجيـت ابكتـب بـه يتيـه=ينثر اوراقه يقـول اطـرب كيانـي
يحسب ان المبتلـى صـب ٍ سفيـه=يحسب اني غـارق فحـب الغوانـي
لو درى الدفتر وش اللـي يحتويـه=كان مات مـن الخجـل ولا بكانـي
والله ان الحـب قلـبـي يشتهـيـه=لكن الغربـة خـذت كـل المعانـي
والصبايـا مابهـن تـرف ونزيـه=يشبـه لنفسـي ويحتـاج لحنانـي
من شبيهي يوم كـل ٍ لـه شبيـه؟!=حسبـي الله كـان مـت ولا لفانـي
ياخيالـي سافـر وخـلـك نبـيـه=لا تخـاوي حيرتـي خلـك انانـي
رح بعيد ابعد مـن اللـي نحتريـه=رح لعالم تسكنـه سـود الامانـي
وان صدفت الموت سلم لـي عليـه=واعرف اني ذاكره .. لو هو نسانـي
رافض ٍ هالموت يبسـط لـي يديـه=قال : ماافني شاعر ٍ مولـود فانـي
آآه مني .. ليت لي زيـف اكتسيـه=او بعـد ياليتنـي انسـان ثـانـي
مابقـى فينـي ولا شـي ارتضيـه=وش بلاني كل مافينـي جفانـي !؟
ياخيالي ضقت انا من كثـر " ليـه "=والحقيقة اني اكثـر مـن عصانـي
واحتقـر طينـي واذمـه وازدريـه=واحترم وقتي .. ولو هو مااحتوانـي
احتـرم هالوقـت .. لانـي مبتليـه=للآسف .. لولاي .. يامحلى زماني !

[/poem]

لـ تركي حمدان