- ((( راح في بطن الصبي ))) -

السلام عليكم ورحمة الله وبركاته ،،



{{ هنـا القصيـده صوتيـّه }}

[poem=font=",5,darkred,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
المبتدا بسم الله الرحمن علام الغيوب = المعطي اللي عارفٍ قصدي وعارف ويش ابي
ربٍ يزيد لمن شكر وايضاً غفور لمن يتوب = استغفره واتوب له من خوف واطلب مطلبي
جعله يسخر لي ملائكته لـ حسْنات وذنوب = يدمح من ايسر منكبي ويزيد فايمن منكبي
تعبت أحث الرجل فالظلما لعسرات الدروب = وياشينها شيناه لامن ضاع جهدي واتعبي
أحيان اقول الشعر ذنب وكل مافكرت اتوب = أقول انا بنظم قصيدٍ مايخالف مذهبي
وتشب نار الشعر في صدري لياهبت هبوب = الزند من فكري وجزلات التماثيل حطبي
والمرجله ماهي عقال وغتره ومشلح وثوب = ياللي تليّم في همولك خلها لأم العبي
المرجله قول وفعل ماهي سواليف الكذوب = اليا ضرب صدره وقال ابشر وفي سد شنبي
محدٍ على درب الجمايل والمعاريف امغصوب = وان كان مايركض لها الرجال لايحبي حبي
واهل الحلال اليا اهملوه من الشمال ليا الجنوب=اما يجيه الذيب والا راح في بطن الصبي
والمنتهى دنيا تدور ، وعمر الانسان محسوب = ومليون صلَّ الله وسلم عند ذكرك يالنبي[/poem]