هذي مداهيل الغلا.........

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
هذي مداهيل الغلا ياسليمان=قلبي وماضم الحشا من معاليق

مدهال ملهوف الحشا خدر الأعيان= ويليق فيها مثل ماهي له تليق

إختارها بين المداين له أوطان= وأختارته من بد كل المخاليق

صارت مقر له مشيد وعنوان=يسرح ويمرح في سعتها عن الضيق

جنابها عامر بخوخٍ ورمان= وكروم من بين العرايش مدانيق

وترسل سماها من ندى الغيث هتان=والشمس مبداها على العصر وشريق

ظلٍ ظليل وعطر كادي وريحان=تجري به الأنسام مع فكة الريق

ويفوح له فيها شذى ورد بستان=ويقطف من أطراف البراعم زماليق

ويغرد البلبل على خضر الأغصان= لحنٍ على سكة غرام العشاشيق

وجاوب له القمري تراجيع والحان=يجذب صداها جاذبين الطواريق

ليته يصرح بالزياره على شان= نفتح له أبوابٍ لغيره مغاليق

وينولنا من فيض عطفه والاحسان= ولا عاد نطريها ليال التفاريق


وسلامة الجميع
[/poet]