نسمه شمالية..

المشاركة الأصلية كتبت بواسطة شماليه

من القديم.....وتظل الاقرب...

اهداء...إلى...طفلة الخمس......حمص/سوريا





[poem=font="traditional arabic,5,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]


على فجر الونين وصرخة النصر وثبات الـراي=على موت الشعور وهمهمات الجـرح واسبابـه
على رجفة يديني وارتباك الحرف وسط شفـاي=على نظرة عيونٍ تستعيـد الامـس مرتابـه
تلبست الهموم وجت تسابق للحروف خطـاي=على قافٍ اذا سجيـت شـرع للقلـم بابـه
سلام الله على حكم القدر واللي مضى والجاي=سلام الله علـى نظـرة صغيرٍ والزمـن صابـه
سلام الله على دارك واغني ثم اعـزف النـاي=على ذكرى السنين الخمس والعاصي مع ترابـه
سلام الله على وجه الحبيبه وان سعت لرضـاي=اظن الوقت علمهـا عـن المكتـوب بغيابـه
تهدهدني بدمعتهـا تقـول انتـي هنـا دنيـاي=واقول ان الزمـن بعـدك قسـم بالله متشابـه
خذوني عن دفى حضنك واحس ان الوطن منفاي=تعبت اعاند الغربه تعبت ولابتي لابه
تعالي ترجمي همسي تلعثمت بحـروف هجـاي=تعالي عدلـي نطقـي غلـط لاقلـت يايابـه
تعالي رتبي نومـي مكانـي دفتـري واشيـاي=تعالي بعثري صمتـي تهجـي حـرف بكتابـه
تعالي لملمي بعضي تعالـي واسمعـي شكـواي=تعالـي يامـلاذ القلـب ياستـره ومحـرابـه
تعالي يامنى عمـري تعالـي منتهـى رجـواي=تعالي مابقـى فينـي عتـاب ولـوم وطلابـه
تبين الصدق يايمـه كبـرت ولايهـز اقصـاي=سوى صوره من الماضي صغيرٍ مالقـى إيجابـه
يجيني داخل احلامي يمينه فـي طـرف يمنـاي=ورب البيـت يايمـه طفـل ياكثـر ماهابـه
وعلى فجر الونين وصرخة النصر وثبات الـراي=قتلت الطفل في قلبي قبل لامـوووت باسبابـه


[/poem]

شماليه ..

لا اجد كلام اكبر من هذا الكلام ..
باختصار ..
الله يخليلك ما ترجين .

وصح لسانك ..