يا نفس توبي !!

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يانفس جوزي عن دروب الهوى والذنوب = اليوم فوق الثرى بكرة عليك الثرى
شمس العمر لا محالة آيلة للغروب = قطار الآمهال ما يعرف يرويس ورا
ولا كل قاطع مسافة راح يلقا ركوب = يمكن يفوته وهو فالصّف ماسك سرا
ما راح راح ومسجّل فالكتب وامحسوب = له يوم موعود بعيون الندم ينقرا
وياقلب لو ما تتوب اليوم متى تتوب ؟!! = فالنّاس حولك سئلتك بالله ألم ترا
كيف المنايا تباغت دالهين القلوب = من عامّة الشّعب ولّا قادةٍ واومرا
والم ترى كم خذا من غاليٍ ومحبوب = وابكى رجالٍ يعدّونه : حزام وذرى
دْهّاة الرياجيل واحدهم عطيب الضروب = ما ردّو الموت لو ردّوا عتات البرا
سيفه ضحاياه من كل المدن والشّعوب = شطير حدٍ يقطّع محكمات العرى
اشد واقوى فتن من داميات الحروب = هاذيك فيها خطط وامفاوضات اسفرا
وهو ليا من هجم ما فيه نسبة رسوب = ينجح ويرضخ لحكمه : ألوية واجبرا
لدّ النّظر للشّمال وشوح به للجنوب = واخذ العبر واتّعض من خاليات القرى
ما راح توحيبها الّا صوت صفق الهبوب = والبوم لامن نعب والذّيب لا من سرا
ما عادة فيها حياة .. وسود الآيام عوب= وليالي الخوف ما فيها سلام وكرى
اعزم ياقلبي وجنّب عن ذميم الدروب= اللّي بها شي يغضب ناصر امّ القرى
مالك لزومٍ تطبّ ابسوق قرح العيوب= به للقلوب المريضة : بيعٍ ومشترى
امحسّبين المراجل لبس : غترة وثوب = تغويك واتضيع في درب الهوى الآيسرا
اغنم حياتك وتب واهجر حياض الذّنوب = قدّام تبكي عيونك دمّ تحت الثرى
مدام شمس العمر لا بدّها للغروب = اركب قطار العمل لا تحتري فالسرا [/poem]

هزاع الشيباني