يا عايب اهل الطيب ..

السلام عليكم ورحمة الله وبركاته
هذه الحروف رماح في وجه اهل الغيبه والنميمه وضعاف النفوس في زمن الرويبضة ..
والرويبضة ذكرهم الرسول عليه الصلاة والسلام في الحديث الشريف فيما معناه
وهو الرجل التافه يتكلم في أمر العامة..

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]


ياعايب اهل الطيب عالج معايبك = ذنبك تـعـدى المبتلى فـي ذنوبه

لاشفت طيب الناس ثارت لهايبك = على الذي دربك قصر عن دروبه

لا مانعٍ عـن عـرض غـيــرك كتايبك = ولا سرت مثله مع هل الطيب نوبه

هذي ركاب القوم فاقت ركايبك = وثوبك قصيرٍ عن تفاصيل ثوبه

دام الجـرب يجدع طوارف حلايبك = عالج بحالك لين تبرى جنوبه

وعز الله انه ماربح راس شايبك = دامك من اللي بالقوافي حروبه

اترك مصايبنا وعالج مصايبك = واكرب خبوبك قبل تكرب خبوبه

رح للمحاكم لاجـل تـنهي طلايـبك = والا علاجك عارفيـنٍ حبوبه

ياعايب اهل الطيب عالج معـايبك = ذنبك تعدى المبتلى في ذنوبه

لا رافعٍ صيتك ولا صيت شايبك=وراع الجرب يقعد يهارش جنوبه[/poem]