حلمي قريب

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
لبارحة والليل مرخي سدوله=الله يا مثقل دم الليل لا طال
يابو خليل اخوك نفسه ملوله=خلك من المنصب وخلك من المال
حلمي قريب وعاجز(ن) عن وصوله=عندي جناحين ومكبل بالأغلال
بعض الكلام أكبر من إنا نقوله=ما كل ما يطري على البال ينقال
تقدر تقول أصعب كلام بسهوله=لكنّ كيف تترجم أقوالك أفعال؟
ما كل ما ودك تنوله تنوله=أحد أهم أسباب الآلام الآمال
واليأس لا يمكن يحقق بطوله=والجرح لا يمكن يداويه الإهمال
والنعم ما تطلب عليها عموله =والمرجلة ما تشتريها بالاموال
ليت الفعول من الصبا للكهوله=تلحق بالأسما في بطاقات الأحوال
يا ما عرفت وشفت من بن حموله=ترمي به الدنيا من أهوال لـ أهوال
وكم من فتى يتجادل الناس حوله=صحايفه سودا وهو خالي البال
وياكم فتى ما فيه ذرة رجوله=جنسه ذكر لكن ما هو برجال
المستحيل أبعد من إنا نطوله=والسعد مثل الغيم نزال رحال
والواقع اللي لا هيا من قبوله=الدلخ والدكتور يبدون بالدال


[/poem]

لـ عبدالواحد الزهراني