وجودي!

السلام عليكم ورحمة الله
كل عام وأنتم بخير
بعد طول غياب ! .. ابيات متواضعة اضعها أمام ذائقتكم .. ونقدكم

[poem=font="Simplified Arabic,5,black,normal,normal" bkcolor="transparent" bkimage="" border="groove,4,gray" type=1 line=0 align=center use=ex num="0,black""] وجودي وجود الي تخرج بعد ماشاب = سنين الدراسة والعنا توّه انهاها
فرح بـ التخرج والأمل يطرق الأبواب = وعرسه على الي له سنين ايتحراها
على بنت شيخٍ زينها يسرق الألباب = ياكم شيخ قومٍ هازها ماتهقواها
على باب ابوها كل يومٍ لها خطّاب = شيوخٍ تسوي المستحيلات لـ ارضاها
ولكنّها عيّت عن الربع والأجناب = لـ عين الحبيب الي سكن في حناياها
وهو دوب جرحه من عذاب المفارق طاب = كروت الزواج اليوم قد وزّع اتلاها
لكن الزمان يدور والوقت مثل الداب = ومن يامن الأيام يبلى بـ عقباها
نهارٍ قبل لا تكتمل فرحة الأحباب = طواها الغياب ولابقى غير ذكراها
خذتها المنيّة والمقدّر بدون أسباب = توفت بيومٍ فيه ميعاد حنّاها
بكى لين نون العين من حر دمعه ذاب = وقام ايتذكّر نور طلة محيّاها
وضاقت به الدنيا وجته الهموم أسراب = ونفسه نهار العرس فـ الزين عزّاها
هذي حالتي لو غبت عنّي وصوتك غاب = غيابك تراه يحد نفسي على أقصاها
دخيلك لاتفتح للقطاعة بهجرك باب = سلوم المحبّة طالبك لا تعدّاها[/poem]