رد على قصيدة شبيب شاهر ...(عبدالله موسى)

اخواني...اعضاء وزوار منتدى المرقاب الشامخ...اليكم ردي على قصيدة الاخ الشاعر شبيب شاهر السبيعي ....واتمنى ان تحوز على اعجاب الجميع وسامحونا على التقصير...


[poet font="Simplified Arabic,4,black,bold,normal" bkcolor="transparent" bkimage="backgrounds/8.gif" border="double,4,coral" type=2 line=200% align=center use=ex length=0 char="" num="0,black" filter=""]
من جور الايام فكري صابه عماسا=مدري من الشعر ليش الفكر معموسا
هذي سنة ياملا متبلد احساسا=ماكن لي في بحور الشعر ناموسا
وانا منول ببحر الشعر غطاسا=ابحث عن الدر لين القاه مغروسا
جلست في مجلسي والفكر عساسا=يبحث عن اسباب حظٍ صارمعكوسا
فجأه تنبهت مع لجات الاجراسا=رفعت للتيل كني منه محسوسا
رحبت وأصغيت وأستلقطت الأنفاسا=واقول يالله عسى ماهوب كابوسا
سمعت صوتٍ يهجرس لي تهجراسا=صاغة شبيب وتجدد كل راموسا
يامرحبا ياعميلٍ صاغ الالماسا= اعداد من يسكنون الصين والروسا
حيث ان مثلك بقى للشعر نبراسا=ليا اظلم الجو يقبس منه قابوسا
صوتك دعاني وهيض كل هوجاسا=وفتحت صندوق همٍ كان مكبوسا
وقامت توارد علي اخماس واسداسا=هجوس قلب من الهجران ملموسا
لاباس ياشاكي من الهجر لاباسا=انا اشهد ان الهوى قد عذب نفوسا
كم واحد قد تهندسبه تهنداسا=عدل وبدل لكن لحظ منحوسا
مجنون ليلى وابن لعبون قد قاسا=امواج بحر غدا للناس معسوسا
ومادام قلبك غدابه ظبي الاطعاسا=اللي رمى السهم من محنية القوسا
اخذ النصيحة واخذ صاحبك بسياسا=ساير جنابه وخل الحبل ممسوسا
وان كان صد وتكبر عنك وانحاسا=مايستوي بالهوى مسلم وهندوسا
لاتلتفت له ويعلن منك الافلاسا=وتصير ريس عقب مانته بمريوسا
[/poet]


وللجميع تحياتي

ابن بداي