ياباشة الغيد يامياس ياقبله

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا الله بنوٍ غياث البيد من وبله = يحيي هشيم الدهر ثعله وهملوله
لازلزل القاع رعاده من القبله = وأضفى على نجد شيلانه ومجدوله
يحيي فياضٍ من اللاهب ترقب له = ويزوف منه النبات وترجع محوله
شهرين لين الفياض تزاهر الربله = في سهلةٍ من غشين الوبل مغسوله
مدٍ من المعتلي ما احدٍ سمع قبله = ولولاه تبع البكار العفر وش هوله
تطعم طعم نبتة البسباس والحبله = في در خلفٍ غذاها الريم وفصوله
ينصى ربيعه ويشقى له ويتعب له= اللي يبي شوفة النوار وسهوله
يلقى سهاف العشاير باول العبله = ارض عذى من قديم الوقت مدهوله
ارضٍ بقلبي غلاها عاقدٍ حبله = وفي مهجتي غيرها ماهي بمقبوله
وكلن من الناس له شي يحبب له = وغصن المحبه علاها مال بحموله
واللي دعا القلب واومى له وسبب له = في حب دارٍ علاهاالنفس مجبوله
الجادل اللي عيون الحر لاارقب له= في مرقبٍ عسر فعل الطيب مفعوله
لاشاف جول الحباري قام يقرب له = ويلاعب الريش لأجل يفيد من جوله
تذكرني بلدة المجمول واطرب له = وأندب بحظي على عنقه ومجدوله
الجادل اللي وصوف الملح تنسب له = اللي ملك خافقي واستر بنزوله
اللي سكن مهجتي والفكر اخذ شبله= واصبح لقلب الشقاء حاكم وماسوله
اللي تسلطن على القلب وتنصب له = وافرح على الحال شماته وعاذوله
ان جيت ابا حروته لأجل اتقرب له= الموت دونه لمع لي حد مصقوله
يافزة اللي يحوز الكاس ل00اسطبله = في ملك شيخٍ شراه لكسبة الجوله
وراك تاخذ ذنوب القلب وتهبله = وتشب نار الغضى وتحط من حوله
ياباشة الغيد00يامياس 00ياقبله= يفداك قلبٍ شراك وطاح من طوله
لوكان وفقي قليل وضايقه سبله = أرجي من الله سماح الدرب واطوله
واضم كفِ زهاه النقش والدبله = واقول يا معوض الصابر بمجموله[/poem]