رد على قصيدة كوثر البشراوي

الاخوة الاعزاء اعضاء المرقاب
اسعد الله اوقاتكم بكل خير
هذه القصيده رد على قصيدة الاخ العزيز الشاعر / عايض العتيبي
اتمنى ان تنال اعجابكم واعجابه[poet font="Simplified Arabic,4,black,normal,normal" bkcolor="black" bkimage="backgrounds/17.gif" border="double,4,gray" type=0 line=200% align=center use=ex length=0 char="" num="0,black" filter=""]
سر ياقلمنا واللحن نجداوي=امن الطروق الجزله المنسيه
طرق(ن) على قصيدة العطاوي=اللى بدعها يوم نصر الهيه
وعايض صدح ببيوته النقاوي=نقي اللوالو كلها منقيه
جتني وانا في ردها رهاوي=وهداج تيما مانشد بدليه
جم(ن) يفوح ومورد(ن) للراوي=من جاه عاني حاجته مقضيه
والشعر انا اضرم له كما الظلماوي=اليا ضرم للدله المجذيه
نجمي على روس النوايف ضاوي=واطوّع الالحان والقافيه
والحب كم ضيّع معاه افداوي=طويت اصحفهم طوية الزوليه
عينت قيس اللى غدا جلاوي=روحه من اسباب الهوا مسبيه
وعينت عنتر مروي الهنداوي=اللى فعوله ماهي بمخفيه
وغيره وغيره من طريح(ن) ثاوي=وراح الدجيما ماخذو له ديه
يوم الهوا يرفع عن الدناوي=بالعز والشيمات والغاريه
الكل منهم هاوي(ن) حياوي=محبة(ن) على النقا مبنيه
محبة(ن) ترقا على السنداوي=ماحدّرت دحديرت القديه
ماهو غرام المنظر الماساوي=رمي الرقم بالسوق والجمعيه
طريم وياّ شريم والعسماوي=تجمعوا قناصة الريميه
وكل(ن) على ماينتويه ايراوي=ولا يطلعون الاّ وهي مرميه
هذي محبة كاظم وعلاوي=اهل العلوم الشينه السلبيه
ولاّ انت جنّبت الهوا المتلاوي=ياللى بيوتك ماتجي عاريه
ولا استشرت القاضي القرضاوي=وقرا عليها ارموزه السريه
الظاهر انك بالقصيد امخاوي=اعرفك واعرف منهج الجنيه
واعرف كديش الخيل والصقلاوي=واميّز الدولار والربيه
واعرف دروب الذيب غير الواوي=الواوي اله ادروبه الملويه
وانته زواك من المحبه زاوي=زوي الغرام اللى زوا "المريّه"
مع جادل(ن) قلبك عليها اشفاوي=اسقتك بالابعاد سم الحيه
لكن نحّت عنك وانت انحاوي=واحذر تطب الفيضه المحميه
كم واحد(ن) بالحب فكره داوي=والتاليه جزّوه بالشبريه
ياعايض ان كانك صحيح امهاوي=مالك ومال العشره الوهميه
بعّد شبوحك لاتجي متهاوي=والحر مايطلع على الحنديه
والجرح لابدّه ترى متشاوي=اقصب رشا دلوك عن المطويه





وسلامتكم

الكويت
[/poet]