للشعر شاعر

اعزائي اعضاء منتدى المرقاب

..
جئت اليكم عضوأ جديدآ واتمنى ان لايكون بقائي هنا فيه مايضيق الصدور...


.
هذه قصيدة أحببت ان اشارك معكم بها ولتكن هي البدايه.


.........




...............
[poet font="Simplified Arabic,4,red,normal,normal" bkcolor="red" bkimage="backgrounds/8.gif" border="double,4,gray" type=2 line=350% align=center use=ex length=0 char="" num="0,black" filter=""]
للشعر شاعر يوفّي في مطاليبه=يصوغ قيفانها ويحكم معانيها
يتعب على الجزل والنايف يعّدّّي به= وان عاند القوم سمّاها باساميها
يختار من جزل الامثال ويغنّي به= والكلمة اللي بلا معنى يخلّيها
يجي كلامه على حلّه وترتيبه= يرفع مقام السوالف مايوطيها
والشعر مايعجز الشعار تركيبه=مثل القضيه سنعها عند قاضيها
أحد يتجمّل به ويكمل مواجيبه=وان قال قاله يحكّمها ويوفيها
وحد يتنقّده راع العرف ويعيبه= ان صان مبدا القصيده..حاس تاليها
والنجم لابد ماتاضح مضاريبه= والناس لولا نظرها من يقدّيها؟
وابو هناديب لو زيّن هناديبه= لابد مايكحّل عيونه ويعميها
واللي دخل في ضميره شك(ن)وريبه=ماهوب ذابح عباد الله ومحييها
واللي يدل الطريق الزين يمشي به= وان سار رجليه ماتعثر خطاويها
واللي تجاهل طريقه..فاله الخيبه= ان ضمها اليوم باكر صار مغديها
واللي جهل بالخبر ينشد ويدري به=قدّام لاتفوته بوقته حراويها
يقولها شاعر(ن) شعره (تجاريبه)= جرّب بالايام علقمها وحاليها
ماقال شعره لاجل يبغى يماري به= الا انه النفس لاضاقت يسلّيها
والهرج واجد ..ونص الهرج مالي به= وان كان خربت..عسى ربي يسويها
[/poet]