(( دمعة غاااااالي,,))

بسم الله ,,

الى اخوي الغالي / نايف بن عيفان الذي طلب مني هذه القصيد ولكم انتم واتمنى ان تنال الرضا والاستحسان,,,


[poet font="Simplified Arabic,5,black,normal,normal" bkcolor="transparent" bkimage="backgrounds/9.gif" border="none,4,gray" type=2 line=350% align=center use=sp length=0 char="" num="0,black" filter=""]
عذربوبي ياحمد وانا من العذروب خالي = عذربوبي ناسِ الله لايولّيهم عليه
عذربوبي قالوانّي مشقيِ (ن) بالشعر حالي= غارقِ بين المحابر والحروف الابجديه
وياحمد والجادل اللي وصفها وصفِ خيالي = طوّعت كل الحروف وجت لها جودُ وْحميّه
كل ماناظرت فيها ياحمد تجلس قبالي = قلت ياسعد الوجيه اللي بنظرتها حظيه
هبلتبي واعترف واقولها والراس عالي = ايه انا اعشقها واموت بْحبّها صبحُ وْعشيّه
جادلِ فيها يضيع الوصف لي حد الهبالي = كلها لله فتنه مالها شبه وحليّه
جامعه طيب الخصال وكل زين وكل حالي = دينها متمسكة به مامشت درب الرديّه
0
بنت
0
بنت
0
بنت شيخِ لارمى بشته على الكتف الشمالي = ساق دمّه دون ربعه مايهاب من المنيّه
همت فيها لين صارت في حياتي راس مالي = شمعةِ تضوي سما المصياف واطراف الحويّه
وياحمد والدمع لامنّه ذرف من عين غالي = والله انْ مادري وش اللي ياحمد بيصير فيّه
كيف بدْلًه لا وربّي ماني بداله وسالي = يوم جات بكبرياء وجمرة التوديع حيّه
أسبلت دمعة هدبها وانثنى قوس الهلالي = واستدارت كنها اللي شايفِ موتة خويّه
قلت لله ياغرامي ياهوى بالي تعالي = لاتخليني بصمت ونظرتي تصبح شقيّه
كلّميني فهميني بدّدي ظلم الليالي = علّميني وش سبب دمعة عيون العامريّه
واستدارت لي بحزنُ وْجاوبتني عن سؤالي = قالت الفرقا ولابه حلّ ثاني في يديّه
ومن بعدها……………
ومن بعدها يًخلف الله شٍلْت حملِ مايشالي = تايهِ بين الهجوس ودفتري والمقلميه
واحترق والشوق له باقصى المعاليقٍ اشتعال = واتقلّب في عذاب الوقت وجروحي نديّه
واتسائل ليه وقتي بالمحبّه ماصفالي = ليه يحرمني غرامي والورود النرجسيّه
ليه فيني مايحنًّ وليه فيني مايبالي = ليه يتركني حبيسِ للعنا والمهمهيّه
ليه يطفي كل فرحه جت تفيّا في ظلالي = ليه يطرد كل بسمه داعبت حدّ الشفيه
ليه والا ليه هذي مالها اوّل وتالي = صبحها صبح الوداع وليلها ليل الخطيّه
قلتها لك ياحمد وانا من العذروب خالي = شامخِ وان عذربوبي ماعليك ولاعليّه

ولكم مني اجمل تحيه
اخوكم
محمد القثامي

[/poet]