قصيدة لشاعر عواض سالم العتيبي

هذه الأبيات لشاعر عواض سالم العتيبي وبطلب منه قمت بأنزالها هنا

وهي مهداه لشيخ مرشد مناع العتيبي








[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
راكب الي صيتها مع جميع الناس راج= الشبح فخر الصناعات قطاع الفجوج
صافياً ماطورها لاهتزاز ولا ارتجاج = راسيها ومع الملفات لايمكن تموج
من ملكها ماكسر سوقها وسط الحراج = للمسافات الطويلات في ساعه تبوج
نصها الي ساعة الضيق للكربه علاج= يوم بعض اصحابنا فالرخى صارو لحوج
والله ان الحر ماينتقارن بالدجاج= والصحاري الممحله ماتقارن بالمروج
فالوعود المقبله مطلقاً مالي مزاج = والوعود السابقه كلها راحت رهوج
والموارد غير هداج انا عندي هماج = غير مرشد كلها كلها عندي هموج
لابس لطيب والجود والنوماس تاج = مادحه فعله حشى مانتظر مدح الهروج
درعنا الواقي وعن صفعت الدنيا سياج=بانيِ للعز والمجد والنخوه بروج
جيت عاني يوم ماشفت من وقتي خراج= شن فوقي حرب اشد من حرب العلوج
وصابني من ضيم الأيام والحظ انزعاج = وراح وفد الحزن والهم مع دمي يروج
عند مثله جيت ابا فزعته طلق الحجاج = جعل جاهه يعطي الهم من قلبي خروج
ينعدل حظاً مضىله زمن في انعواج = ويتعدل سير الأيام لو من قبل عوج

[/poet]