(( ياجريح الذكريات,,,))

بسم الله ,,

0
0
0
[poet font="Simplified Arabic,5,black,normal,normal" bkcolor="transparent" bkimage="backgrounds/6.gif" border="none,4,gray" type=2 line=350% align=center use=sp length=0 char="" num="0,black" filter=""]
يوم مرّت قلت لحظه قالت انته وش تبي = هات علمك قول يالله هات علمك هات هات
قلت مادري بس شفتك قمت اصفِّق بركبي = تهت فيكُ وْضعت بين عْيون سودٍ ناعسات
قالت اخطيت الطريق وْقلت من قلّك نبي = كلنا نخطي ونخطي مير لله الثبات
قالت اطغاك الغرور ولاتجي ربع ذْهبي = قلت جوزي عن غلطك ولايجي منك انفلات
ماني بْعبدٍ لابوك ولاشْتغل عندك صبي = لاولا جيتك فقيرٍ يطلب ايديك حْسنات
قالت الظاهر زعلت وْقلت انا رجلِ عْربي = عزّتي تسمو سمو الشامخات النايفات
قالت امزح قلت مزحك زوّدِجْروح اتعبي = كلِّ شي الا الكرامه مابها جودُ وْهبات
قالت اطلبك السموحه والعفو ذا مطلبي = ماقصدت اجرح شعورك ياجريح الذكريات
والله لسانك فصيح وْمذهبك من مذهبي = بس فيك من الغموض اشياء واشيا مبعثرات
بسألك وش تفتخر به قلت قصدك منسبي = منسبي من منسب اهل الطيب واهل المكرمات
ربعي اللي فاللوازم ماتجي مشيُ وْحبي = تمتطي صهوة خيولٍ للوازم مسرجات
تنطح جيوش المعادي لين تسبيها سبي = مايعرفون التخاذل والبيارق عاليات
قالت اش معنى جروحك قلت عنوان اكْتبي = ابتدت بي واعصفتبي من عصورٍ ماضيات
الجروح اسهام رامي والحشا مثل الضبي = جافلٍ منهن وهنّه يطردنّه ساريات
قالت ادله قلت من يدله عنِ جْروحه غبي = كيف يدله من جروحه وسط روحه جايرات
قالت اشقاك الغرامُ وقلت يصفَى مشربي = لاتجرّعت الغرام بكف سيّدة البنات
قالت العذال دونك والعواذل ماتبي = همّهم تفريق شملِ قْلوبنا المتوالفات
قلت دام الزرع زرعي والعنب صار عْنبي = والله انّي ماتلفّت فالطيور الطايرات
خلّي العاذل يموتِ بْحسرته يامكسبي = واسلكي دربٍ نحقّق فيه اغلى الامنيات
قالت اطربني كلامك ..وين عنّي مختبي = ياعسا تفداك روحي والسنين المقبلات
قم معي نبني صروح الود يالشهم الابي = دام مقصدنا شريفُ وْمالنا عنّه غناة
وهذي القصّه مع اللي جت وقالت وش تبي = هات علمك قول يالله ياجريح الذكريات


ولكم مني اجمل تحيه
اخوكم
محمد القثامي,,

[/poet]