أنا والشعر

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الشعر وش لي به مع الناس حاجه= الا أني أعبر عن إحساس وشعور
وأداوي همومي بوصفة علاجه=وأكتب تباريحه عناوين وسطور
وألقى لضيقة خاطري وإنزعاجه=دربٍ يسليني على راسه النور
وأصبح بعد ليل الغضب والمواجه= في روضةٍ غنّا بأكاليل وزهور
تصدح بلابلها على أغصان ساجه=وتردد الحان السعاده على السور
سفينةٍ تعبر بحور الهواجه=وترسي على ميناء اليواقيت والحور
يبحر بها الربان صلفٍ مزاجه=ويعود خالي هم هادي ومسرور
في جعبته دانه ولولو وعاجه=دره نفيسه ماتساوم على الشور
حوريةٍ تظهر دلال وغناجه=في كفها ماسه وفي الجيد بلور
طلقٍ بها بين النشاما حجاجه= يدلي بدلوه كل ماوصله الدور
يسمع لها اللي فيه وقر وصناجه= وينظر لها الاعمى فنارات وسفور
وتغسل عن الكبد العليله هماجه= وتجلي صدا قلبٍ من الهم مأسور




وسلامة الجميع /عبدالله العتيبي (البـــــــــــادي )
[/poet]