من اللي سلطك ياسيف ؟؟؟؟؟

[poet font="Simplified Arabic,4,white,normal,normal" bkcolor="transparent" bkimage="backgrounds/22.gif" border="none,4,gray" type=2 line=200% align=center use=ex length=0 char="" num="0,black" filter=""]
السلام عليكم ورحمة الله وبركاته

مساكم الله بالخير جميعاً



وعدنا اليكم بقصيده متواضعه ارجو ان تحوز على بعض من اعجابكم


بسم الله



الا ياسيف يومنّك تهوز ذياب والبقار "=" من اللي سلطك ياسيف ياسيف الهلاليه

من اللي وامرك بالشين يا سيف انت ماتختار "=" ولا بينك وبين اذياب يالحاسم حساسيه

ولكن شفت فالميدان مأمور ٍ معه امّار "=" أمر بالرد والمأمور رده عكّس النيه

وابو زيد الهلالي قيل جا زاير مع الزوار "=" وسوّا نفسه الضيف الضعيف ومعه جنيّه

ولو جنيّه المقرود قدّر وقفة المحتار "=" بعد ماراح ابن غانم تحيزمتو بجنبيّه

ويومنّ الزناتي مات شبّت فالصميم النار "=" بعد ما نارها شبّت قلبتوها خبيتيه

وانا فاهم اصول اللعب من قبل اسمع الأخبار "=" مع الجمّال وآبو زيد صارت اتفاقيه

وحزب ٍ تحت راح يمين وحزب ٍ فوق راح يسار "=" وجا سيف الهلالي حط فالبقار ماريّه

أنا قصدي من الميدان يوم آخش مابغى ثار "=" بغيت آعدّل المايل واغيّر كل وزنيّه

ولكن ضاعت الوزنه بكم واخلفتو المعيار "=" وفيكم علة ٍ صرما مثل ما للقهر فيه

من الخمسه أبي شاعر يكفيني من الشعّار "=" ولو ما رد شاعرهم يكفي نظم قافيّه


وسلامتكم

[/poet]