يافراج الكرشمي................

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
أطلعت على قصيده للاخ العزيز
فراج الكرشمي في صحيفة الجزيره
وبعد ايام وبينما كنت مسافرا تذكرت أحد ابياتها
وكانت هذه الابيات والمعذره ....



(هذا اللي عليه أفطر هذا اللي عليه أصوم=
هذا اللي عليه ستارة القلب منصكه)
لك الله يافراج عن هزلها محشموم=
ومحشوم عن هذر العليمي وعن هكه
أنا أعرفك لامنك تختلتها بسهوم=
تقلط سمانٍ تحتها وارد البكه
نوادرك كم شارب ولد دونها ملطوم=
ولو جاب وحده عك في الباقيه عكه
غنادير لو تشرى يزيدون فيها السوم=
وكلن تمنّا هالغنادير من سكه
تنشط بها قلبٍ يعاني عمس وهموم=
سبايب مجالس (شايب الهاص والإكه)
يبى مجلسٍ صكوا بجاله شباب قروم=
على شايبٍ لو كان مامعه محتكه
ويبى يستمع قولٍ على قلته محكوم=
بداه الحكيم وبلغته في آخر العكه
(هذا اللي عليه أفطر هذا اللي عليه أصوم=
هذا اللي عليه ستارة القلب منصكه)



وسلامة الجميع /عبدالله العتيبي 0البـــــــادي0
[/poet]