مصــــافحه اولــى.............

بسم الله الرحمن الرحيم..

اخواني مشرفي واعضاء وزوّار هذا الصرح الشامخ...

اتشرف بأنظمامي لهذه الكوكبه الرائعه ..

واتمنى ان اكون عند حسن الظن..

واليكم هذه المتواضعه عسى ان تنال اعجابكم



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاتجرين اللحون السامريه ياحمامه=كل مااوحيت اللحون السامريه ضاق بالي
المشاعر فيضها عدٍ تواردته حيامه = مارده يروي كبود الحيم بالجم الزلالي
ولوعة الفرقى يبين الها على العاشق علامه = وانت ياللي رحت في حالك ومودعني بحالي
والله اني قبل توديعك وقبل مع السلامه = ماعلمت ولاهقيت انك ليا هالحد غالي
ولاصحى قلب الغرام الا بعد فرقى غرامه = يوم جت فرقآ ماهيب مفارق ايام وليالي
بلحظةٍ يشعر بها النايم ويصحي من منامه= قمت احسّب ويش اخذت من الحياه ووش بقالي
لين مالي في رجاك الا التحسف والندامه= عاقبة من لايحسب للأمور ولايبالي
ومالي الا اعتب على نفسي والحّقها ملامه= لـن مالك فالاوادم لاشبيه ولا محالي
كل وصفٍ فيك يجبر عاشقه على احترامه= يوم اعشقك عشقٍ اصدق من هماليل الخيالي
ياهنوفٍ تاخذين اوصاف من ريم العدامه = كن عنقك عنق ريمٍ عاودت عقب الجفالي
ومكتسيك مجدلٍ ياخذ من الليل وظلامه = فوق عودٍ كل ماهبت به الانسام مالي
ومن وصوفك ياهوى العاشق وياغاية مرامه= قبل لاذكر واتذكر شيٍ ابعد من مجالي
لاذكرت النظره اللي مردفتها بأبتسامه= ياوجودي وجد من قبلي جراله ماجرالي
ياوجودي وجد عودن مايقلنه عظامه= صابرٍ على المقدر والمقدر بأمر والي
ايتعثر في جلوسه ويتعثر في مقامه =ولاعطاه الله من الدنيا بنات ولا عيالي
مار ياحلم الحظيظ ليا حظي باكبر حلامه = لونسيتك مانسيت الصوره اللي في خيالي
قبل لبسك للعباه وقبل لبسك للثامه= يوم تبدين الملامح للبعيد وللموالي
وقبل لبسي للعقال وقبل لبسي للعمامه= الله انه لايبارك فالعمامه والعقالي[/poem]

وسلامتكم



اخوكم
فالح الغنامي