{{{ يـاحــزن }}}

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
تحدثنا بما فيه الكفايه .. وانتهى الموضوع=خلاص ارجوك لاتذكر ولا تطري .. علاقتنا

مضت معك الدقايق عام هجري .. والثمن مدفوع=هواجيسٍ بدايتها اقسمت .. تنحت نهايتنا

تخللها الفزع .. وإلا سكينه .. والضما والجوع=اجل .. ويبارك الله في الظروف اللي .. تحدتنا

قسم ربي فراقك .. ياعسى الفرقا بدون رجوع=اساساً كل شي لي معك يفرض .. تشتتنا

انا معك اختلف .. والبون شاسع والرجا مقطوع=ولا عمر السكينه لاجمعنا الله .. تغشتنا

جذبت اسماعي بهمس .. وحديث العاطفه مسموع=تسللت لهجوسي .. واعلن الموقف .. بدايتنا

لفيت بلحظةٍ لا القلب قلب .. ولا الضلوع ضلوع=انا والقلب وضلوعي .. سلبنا الله .. إرادتنا

على رسلك .. حذاري تعتقد ان العتب مرفوع=ترى مابيني وبينك .. سوى ناتج .. لقافتنا

يسمونك حزن واسمك .. لوعكات الزمان خضوع=انا ما اشوف لوجودك مبرر غير .. لامتنا

بعيد الشر عني .. وعن حبيبٍ ماوراه دموع=عسى الله لايكدر بالحزن .. صافي محبتنا

احب مشاهده في كل حال .. مشاهده مشروع=مثل شرعية العيد وصلاته .. في عقيدتنا

حنونٍ لو يضم الارض .. مايبقى بها مفزوع=كريمٍ لاخذت منّا الليالي .. ضعف ما اعطتنا

احبه .. واكرهك ياحزن كره مزاول الممنوع=انا ماعرفك اصلاً .. والظروف اشلون لمتنا ؟

انا ما امارس طقوسك .. وعندي للظلام شموع=ترا ماغير مره .. نكهة الحرمان .. لاقتنا

وتحدثنا بما فيه الكفايه .. وانتهى الموضوع=خلاص ارجوك لاتذكر ولاتطري .. علاقتنا




وسلامتكم[/poem]