قُبلة قمر !!!

أعزائي إليكم هذه المصافحة الأولى وتقديراً لكم فهي آخر مانُشر لهذا اليوم الخميس.. لعلها تحوز على رضاكم..

[poet font="Simplified Arabic,5,white,normal,normal" bkcolor="transparent" bkimage="backgrounds/21.gif" border="double,4,white" type=2 line=200% align=center use=sp length=0 char="" num="0,black" filter=""]
يوم إنعكس نور القمر فوق خده= ضيّع على ليْلتْه فرحة نهاره!!!

أثر القمر سهران ذا الليل وده=يكْحل عيونه من مفاتن سماره !!

أغرته في باهي محياه ورده=وده يقبلّها..... ويجني ثماره!!!!

كلْ ماتمنى قُبلةٍ منْه رده !!=واضطر ياخذها بدون إختياره !!!

عرفت أنا ليه القمر غاب مده=يزعل إذا ماحال دونه ستاره !!!

ومايخلف الميعاد لاحان وعده=يحسب لشوفه ِحسبته في مداره!!!

ولاشاهده من بعد غيبه ولدِهْ=أرسل شعاعه له.... سلام وإشاره!!

كان القمر له في حبيبي موده=فـ أنا على شوفاته أعطي البشاره

قلبي من أجله بالهوى باح سّده=والعين تسهر ليلها بانتظاره

سبحان من صّور قوامه وقده=وأوصافه اللي بين بدو وحضاره!!

عجزت لاوصّف جماله وأعدّه=مفاتنه.... ماتحتويها عباره

ليت القرابه بين جدي وجده= مثل القرابه بين داري وداره!!!


تحياتي لقلوبكم
[/poet]