.. قصيده لا أكثر ..

.
.
.
.
.
.

أحبّة المرقاب الشعبي ..
طاب مساكم .. فيه قصيّده جديده ..
مدري لها متلقّي .. والا يخلف الله ..








يا مل عينٍ .. ما تبي " للشعر شوف "
......................... وتلقاه ما بيـن " الكتـاب وغلافه "




" في صفحة الغربه .. والاحزان والخوف
......................... وتقرأ تعبها .. والعنا والكـلافه "




" فيها جماله .. ما تبي ردّ معروف
......................... وفيها المكارم .. والحيا والضيافه "




وفيها الحياة القاسية صعبة ظروف
......................... وفيها .. الوفاة اللي " بليّا حسافه "




وفيها سطور سهوم ورماح وسيوف
......................... والشلف فيها .. واللقا " والمخافه "




والخيل فيها تركض مردّف صفوف
......................... والموت فيها " ما هناك انحرافه "




" والروس فيها شعرها ياقف : وقوف
......................... وامواس فيها .. تحلق اللي تعافه "




وارقاب عنها ترخي " اعناق وكتوف "
......................... وعظام " منها .. ترتجف إرتجافه "




" وهنا شعورٍ مرهف .. يلامس الجوف
......................... وهنا أرق احساس .. وانعم لطافه "




والجادل اللي ضامرة خصر سرجوف
......................... يا ليت " ياخذها .. في الحب رافه "




" في عشقها دربٍ بـالاخطار محفوف
......................... وفي قربها .. يبعث دفـاها لحـافه "




" واللي يلوف القلب .. في ودّها لوف
......................... ويهيّض الشاعر .. على طرق قافه "




ان النظر والضوء عن بعد مخطوف
......................... " لحظة تبيّن كفّها .. أو خـِلافه "




وان الذي بايدي ومن غير .. مكفوف
......................... ما تعجبه " لا معجزه .. لا خرافه "




يا كود رؤيا في سما الحلم وطيوف
......................... " تصب شلال النهر .. عن ضفافه "




ويسيّل الأرواح .. بنقاط وحروف
......................... ويذوب ثلج المفـرده .. من مسـافه "




ويبقى الشِعْر يلقى وهو يلهب كفوف
.........................( قاب الحضور وقاب قوس انصرافه )



[media]http://www.lailwtra7ib.com/muskjj.swf[/media]




عفواً أحدهم ..!