بعض قصائد الشاعر عبدالمعين ابن ثعلي العتيبي

وصلتني عن طريق البريد الالكتروني من الاخ (البدوي الامريكي) هذه القصائد للشاعر/ عبدالمعين ابن ثعلي العتيبي

رغبةً منه في ان نشاركه الاطلاع عليها
وتنفيذاً لطلبه الكريم تفضلوا بالاطلاع والاستمتاع بهذه الدرر
الف شكر اخوي البدوي الامريكي .. لك التحيه واطيب الاماني

[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
لاضاق صدري قلت يا قاسمت خير=سج القدم يمشي على غير داعـي
عديت للعالـي بعالـي النواضيـر=وادله ليا شفته على الحزم اشاعي
واسهروساهرت النجوم الزواهيـر=لامايـجـي للفجرنوروشعـاعـي
قالولي ابله قلـت ياهـل التفاكيـر=هاذي علوم اهل العـوم الضياعـي
وانا مغير مولع القلـب يـا بديـر=اشري وابيـع مشترايـه وباعـي
والله مغير اصخر القـاف تصخيـر=تصخير مادوب العصا لين اطاعـي
ومن دق به مثلي هجوس وحواشير=يضيق به لـو الطريـق اتساعـي
امقابلـن خضـر الوداياالمهاجيـر=على حفافن بيـن حـره وقاعـي
والله لو ان الغرس والقصر والبيـر=تمشي على مافي هوايـه وناعـي
عن ديرتن فيهـا تـدب الجعاريـر=وفيها الدجاج وماشبه لـه يعاعـي
لشدوانزل فـي مـرب الخواويـر=وامشي مع الحزم السماح الوساعي
ليااختلـط نبـت الزهروالنـواويـر=غزيت في العبله عمود الشراعـي
غربن من النفره جنوب المخاضيـر=شرقن من الفيضه شمال الكراعـي
ياويـل مرباعـن بهـاك النهابيـر=وياوي سلفانن بها القلـب ياعـي
تلقا بها سمـر البيـوت الدواويـر=سمر البيـوت مثولثـات الرباعـي
بأطرافهـا كنـه قصابـة جزازيـر=يفرح بها الطرقي لياأضرم وجاعي
واهي بيوتن متيهييـن المعاشيـر=ألاد روق أهل الطعـون الوساعـي
اللي ابهم شقـح البكـار المغاتيـر=ترعا بهم فالخوف من غيرراعـي
تلقابهـا شقـر البنـي الغنـاديـر=زرع القلوب لكـل قلبـن ولاعـي
اللي لهـن بمولـع القلـب تاثيـر=قسمٍ مـن البنـك الكبيرالزراعـي
واللي لهن من طب الامراض تقرير=تقريـر طـبٍ للقلـوب الوجاعـي
اخذتلي معهـم مطيـر ومشاويـر=ركضة جهل يوم الهلـع والدلاعـي
واليوم عنه اقفيت لوهـن مناحيـر=حسم ٍلحـل المشكلـه والنزاعـي
واقفيت عنه اقفاي ركب المعاييـر=واخذت من تالي المحبـه وداعـي
الا بحـب اللـي بنـاري مصاييـر=سمرن على جال المنـاره مقاعـي
يازيـن شبـت نارهـا للمساييـر=لجالهـم عنـدي عليهااجتماعـي
اخـذ بهـم زال الحيـاة التعابيـر=والا انها ماغيـر عبـر ومتاعـي
واسند عليهم في ليـال المعاسيـر=ويروح شبري في محطـة ذراعـي
والاهـي الدنيابربـح ومخاسـيـر=يـومٍ حدورويـومٍ الهـا ارتفاعـي
ولا كل طيرن ينتقلـد علـى طيـر=ولا كل من هام الشجاعه شجاعـي
ماينتقلـد بالـحـرار العصافـيـر=ولاينتقلـد بالقـرمـب الافـاعـي
لو قلدواشـيٍ علـى شـي تغييـرمايتقلـد بالطبيـعـي صنـاعـي [/poem]


[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
يامل قلبن من هوى العذب متلـول=تلت رشـا ملحـا طويلـن قليبـه
تلة رشا ملحا على السيم مفتـول=تقفي وتقبل بـه تـروح وتجيبـه
عليك ياللي حـط بالقلـب نشبـول=شبيت لك بأقصى الضماير لهيبـه
روحي بروحه طول الايام مشغـول=وأرخي بقلبي شي ماينحكـي بـه
غروٍ تفاصيله على كـل مجمـول=شـره الحلايـا بالعـذارا غريبـه
مربوع في قيماه بالقصر والطـول=هافي حشا كـل المناظـر عجيبـه
مافطّروه خبوز حظرٍ علـى فـول=يتلي سهاف الشول يشرب حليبـه
مايشرب الاّ من لبن عطّف الشول=عليه من شبّـت شبابـه غذيبـه
وصدر وحصيله بيّن الوسط مفصول=وإن هب ذعـذاع النسيـم يغديبـه
وعنقٍ طويل وقرن أشقؤ ومجـدول=ذيل أشقر يكسـر حوافـز سبيبـه
وليل تبسّم عن ثمانٍ كمـا اللـول=يودع صناديـق الظمايـر حطيبـه
والعين عين أشقر الريش ناجـول=حرٍ علي برق الحبـاري مصيبـه
خفاق صفاق خطيرٍ علـى الجـول=أهواي مخلابـه جروحـه عطيبـه
جاني يتهذلف له بمقطـع وبلبـول=مقطع حرير وشيلته يغتطـي بـه
تهذلف اللي وخرها الريم جهجـول=مع غبّـة الربـه مسيبـه مغيبـه
يرعى طرف خدٍ من الوسم مسيول=مجهول من غب المطر ماوطيبـه
خزّت وفزّت شافت الخـد منـزول=خافت وشافت واستـذارت رعيبـه
حازت مع الحزم البراحه عن الغول=تعطي مصاقيـل البـراح وجذيبـه
هذي تفاصيله علـى كـل ماقـول=يفرق على غيره عنا مـن بليبـه
قالوا لي أنسه قلت ماهوب معقول=قالوا نسيك وقلـت لـه مايعيبـه
الحب من بين المحبيـن بوصـول=مارضى ولا يرضى علـي الغليبـه
لاسلت عن غيره ولاني بمسيـول=دايه دوايه طـب روحـي طبيبـه
ان عالج الدا بالدوا منـه مكفـول=وليـا تحمّـل ذنبـي الله حسيبـه
علاه باب القلب مغلـق ومقفـول=ومفتاح باب القلب لامـى حبيبـه
ارسلت لي يمه ثلاثيـن مرسـول=مامنهم اللـي راح ماقـال اجيبـه
اول مراسيلي لهم قـارع الحـول=واتلااهم امس وكلهم في المغيبـه
لاشك مايقض الغرض كل مبـدول=ابطو ومرسول البطى منـه ريبـه
ولا الرجال اللي صناديـد وزحـول=عيّـو وخطوتهـم عليّـه صعيبـه
وأنا تعرض لي نشابيـل وشتـول=مـدري نصيبـي فيـه ولانصيبـه [/poem]


[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
هات القلم وأكتب ما اقول لك يا بدير=لخوان وضحا واوصل العلـم منـي
سلّم على هاك الوجيـه المسافيـر=يـوم الليـال بغيبهـن شقلبـنـي
سمر الليالـي والليالـي معاشيـر=تلقـح بخيـر وشـر ويولـدنـي
يومٍ تلد باسبـاب شـر وتعاسيـر=ويـومٍ بحلـو اثمارهـن يطلعنـي
ويـومٍ بتيسيـر ويـومٍ يتعسـيـر=ويـومٍ يلاقـي خيرهـن شرهنّـي
ويـومٍ مدابيـر ويـومٍ مناحـيـر=وان ناحـراً لابـد هـن يدبـرنـي
أمّا ادبرت ولهن لغيـري مشاويـر=والا أقبلن سمـر الليـال وخذنـي
واقفن بي أقفاي الضمايا عن البيـر=ماعاد مـع مصدارهـن يرجعنـي
أنا وغيري مـع دروب المصاديـر=ليـن العلـوم التالـيـه يقبلـنـي
هذي سنه يابديـر ولهـا كواسيـر=مارايـدٍ منهـم ولا أحـدٍ وصلنـي
غدا بهـم شقـر البنـي الغناديـر=يبونـهـن يـرضـن لايزعلـنـي
يوم الفرح وأيـام عيـد المفاطيـر=وأنـا عيونـي بالبكـا عايـدنـي
وأنا لهنّـه بيـن عـذّال ومشيـر=واسترسلـن بالدمـع ماشاورنّـي
لو إن ماجاني من الربـع تقصيـر=ميـر السوالـف والعلـوم تغبنـي
سوالفي تسمـر عليهـا المساييـر=ومثايلـي يسمـر عليهـا المغنـي
قلّـه يقـول الله يوفقهـم الخـيـر=وانا عسى الله يرفع البـاس عنـي
ولها علـى رب السمـاوات تدبيـر=محـي العظـام الميتـه يبعثـنـي
يامـا ويامـا والليالـي مقـاديـر=يلّيـمـن الشـمـل ويفـرقـنـي
مافرّقن مـن ناطحيـن الطوابيـر=أمرٍ مـن البـاري بعـد يومرنـي
والموت له في كل ديـره مداويـر=واحد ومامور علـى أنـسٍ وجنّـي
يالله بعفـوك ياحسيـن التدابـيـر=ياغافي الذنب العظيم اعـف عنـي [/poem]



وهذه قصيده مشهوره له في ابن فهيد
وفيها يقول:

[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
يا اهل الونيت اللي جديد (ن) مديله =ورد مديله عـام خمـس وثمانيـن
مـاوردوه الا لـمـن يستويـلـه =مامهجـوه مـدوريـن البعـاريـن
شيلوا عليه وخففوا مـن مشيلـه =من وادي (ن) عله صدوق المقابيـل
وادي (ن) لعل الغيث يسقي مسيله =وادي المزارع والنخـل والبساتيـن
سجوا لاطـراف الفريـع ونجيلـه =يوم اذن المـذن لفـرض المصليـن
ولا إليـا راقـد خليلـن لخلايلـه =يسري به اللي يسرى من الليل ثلثين
والخـط والله مايبيـلـه دليـلـه =خط الجنوب اللـي عليـه الشيابيـن
تلقى المجالس والبيـوت الضليلـه =وهذي عوايدهم من اول وهالحيـن
اهل بيوت (ن) مدوريـن الجميلـه =في واجب الدنيا وفي واجـب الديـن
سلم على فيحـان شيـخ القبيلـه =شيـخ القبيلـه والقبيلـه مطيعيـن
وقله يابو نـواف زبـن الدخيلـه =يا كاسب الجملا اولـوف وملاييـن
مشكور في مد العطايـا الجزيلـه =وألكم على صنـع العطايـا قوانيـن
مهوب رديـان الوجيـه البخيلـه =هرامة المجلـس كـروه المعاطيـن
ولا انت من ساس الحصان الاصيله =هذال اخو هملا صعـوط المجانيـن
زيزوم نمـر مثـل نبـو الرفيلـه =لشـد ناصيهـم يشـدون مقفـيـن
وألهم على بوش الضديد تحويلـه =يــردون الصـادريـن المغبـيـن
مروين مذلوق الرمـاح الطويلـه =لامثالهـم وامثالـهـم مستعـديـن
وأليا عصوهم للعصـاة الاصيلـه =للحق للـذي قـر قـرت موازيـن [/poem]



[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
يابدير ما ازين شبت العصـر للنـار=لمالـت الفيـه وحـار الظـلالـي
وهب البراد وسيـر الجـار للجـار=وجات السوالف بين غالـي وغالـي
سوالف (ن) بين النشاما لهـا كـار=ليا مشـى فنجـال بيـض الدلالـي
ربعن لهم مع شبت العصر مسيـار=ذولا بنـي عمـي وذولا خـوالـي
يرجعبهـم قلبـي لياسـج وحتـار=وتدله بهم عينـي لياضـاق بالـي
افخربهم واجهربهـم شـق وشعـار=وادحم بهم وازحم بهـم دون حالـي
كم هازهم رمحٍـن وخلـوه قنطـار=وكم رازهم من واحـدن واستقالـي
ياماتقاضومـن عميـلـن ليـابـار=قولـن لياقلتـه يصـدق مقـالـي
جمال التخوت مفـدرت كـل هـدار=فتخـان الايـدي للحمايـل جمالـي
انـا علـي اكلفلهـا بـن وبـهـار=وانته عليـك تقـوم وتشبهـا لـي
في فيّ قصر(ن) يوم ضل العشي حار=لابدنامـن غيـب سمـر الليـالـي
لابد من يـومٍ بـه القصـر ينهـار=ولا نموت ويصبـح القصـر خالـي
ويبقى لمن يبقى على طول الاعمـار=وانا نـزل غيـري وحـل ارتحالـي
مرت على غيـري تراديـد ومـرار=لاشـك مامـرت عليـه لحـالـي
ياربي اغفـر زلتـي وانـت غفـار=بحسنـا جلالـه ياعزيـز الجلالـي
يامن شمل عفوه وعطفه هل الغـار=ويامن رست بأمره رواس الجبالـي
يالخالق البـاري وياالنافـع الضـار=يــاوارث الدنياعلـيـك اتكـالـي
ماكل ليل(ن) من ليالي أبـو سـرار=ولادامـت الدنيـا ببسـط وعدالـي
يوم(ن) لها اقبالن ويوم(ن) لها أدبار=كم فرقت ما بيـن غالـي وغالـي
وليا اقبلت عسلـج زهرهـا بنـوار=رجعن يعله كـل يـوم(ن) خيالـي
ياما قطـف جنايهـا مـن الاثمـار=وياما شـرب منهاالقـراح الزلالـي
عشاقهاتضـرب لـه الزمروالطـار=وقامت تزهنقلـه بحسـن وجمالـي
ولياادبـرت عجلـن فلكهالـيـادار=تدرجبـه ادراج الرشـا للمحـالـي
ياماسقت من واحدن كاس الامـرار=ويامانشـاء فيهـا شبـابٍ وزالـي
كم عاش فيها من طويلين الاشبـار=قوايـد الهيجـا زحـول الرجـالـي
اليوم مامنهم علـى الحـزم ديـار=هـذي منازلهـم خلـيـن تـلالـي
ماكنهـم كـانـو ولاصارمـاصـار=راحوهبـاً منثورتحـت الرمـالـي
حطولهـم فيهـا عقـارات وامـدار=وهي دامره وعظـام اهلهـا بوالـي
ماكن فيهـا الهـم منـازل وميثـار=وابـوك دنيـاً مالـك اول وتـالـي
تلعـب لياليهابعمـيـان الابـصـار=لـوبـرقـت فيهالهلهااحتـيـالـي
يا بدير لا تمشى على همش الاخبار=تروح منها بيـن سيـن وسوالـي
تروح منهافـي طويـلات وقصـار=يكفيـك منهـادون الاقصاالموالـي
وليا جفاك الدار غيـره ميـة الـدار=ومناكب الديـره عراضـن طوالـي
ولاتشتشير ابشار من لامعـه شـار=والعـد لاتــرده بلـيـا مـدالـي
وماقـل دل وكـل شيـاً بمـقـدار=ماهيب فوضـه كـل شيـاً يكالـي
الكيـل والميـزان لصغاروكـبـار=شيٍٍ خفيـف وشـيً منهـن ثقالـي
ولو مال مع سوق الفضا كله هـذار=سولـف وفكلهـا طويـل الحبالـي
ياخذبغـفـلات الاجاويـدمـشـوار=يركـض علـى غراتهـم مايبالـي
حيـال ميـالٍ مـع الهـذر منشـار=همـاز لمـازٍ هـيـال وميـالـي
لوماينال من الشـرف وزن دينـار=كنه مـن امثـال ابوزيـد الهلالـي
وانا بخبره حايط(ن) كـل الاسـرار=لاهـوب لامكسـب ولا راس مالـي
النـاس توخـذ بالفوايـه والاذكـار=وكل (ن) وما حصل على كل حالـي
تمت وصل الله على سيـد الاخيـار=علـى نبـي مرسلـن بالعـدالـي
اعداد ما مالـت هماليـل الامطـار=وماهبت الحايـه جنـوب وشمالـي
وماغرهدالقمري على روس الاشجار=وماهل في عرض السما من هلالي [/poem]


[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
سـلام ياعـد صباحـه وردنــاك =اليـوم ماعينـت لـي ورد جـاكـا
ياعد ويـن اللـي طراتـه لياجـاك =اللـي ليـا جيتـك يجينـي علاكـا
اللي ليا جيتك يجينـي علـى مـاك =واليـوم لاجانـي ولاجــا يبـاكـا
في ما مضى تدهل وروده ضمايـاك =واليوم من ورده خلـي جـال ماكـا
اليـوم خلانـي وقـفـا وخــلاك =خـلاك واخـلا ورد مـاك وجفاكـا
عد جفيت سهيـف الـروح يجفـاك =واهمه عـلاك الهـم منـول مداكـا
ياعـل همـال السحـاب يتـعـداك =شيءٍ يجي دونـك وشـيءٍ وراكـا
لالاك ماشـد اريـش العـيـن لالاك =لكن حاديـه الضمـا مـن ضماكـا
وعساك تسقى يـوم حنـا نزلنـاك =من جاهـزٍ خيـل عـلاك وسقاكـا
وعساك تمحل واصبح المزن لاسقاك =لالاك مـا صـار التفـرق لالاكــا
يازين ياللـي عنـي البعـد ينحـاك =البعـد ينحانـي وعـنـي نحـاكـا
خليتنـي واقفيـت واقفـت رعايـاك= واقفت خطاي وعني اقفـت خطاكـا
يـاذاك يالطـف الخواصيـر يـاذاك =والله ما اعلم بـك ولا اقـول ذاكـا
من خوف هـرجٍ يقتفينـي ويقفـاك =ابـا اتحصـن عـن قفـاي وقفاكـا
اقفيـت ماعلمتنـي ويـش نـيـاك =لا اقـول شـح ولا تجـود بعطاكـا
دايم علـى روهـاج قلبـي تحـراك =لين انسقم حالي وانـا فـي رجاكـا
لا ايست منـك ولا عرفنـا نوايـاك =ولا قلت مطلوبٍ رخص فـي فداكـا
مدحت لي مدك وجـودك وعطـواك =وانته عطـاك قريـبٍ مـن رداكـا
ليتـك تعلمنـي بغيبـك ومعـنـاك =لين اني اعرف ويش غيـب مناكـا
مدري تماري لي باالامـزاح منـاك =والا علـي مغـل مثلـي عـلاكـا
عطني عطاك الله ومد الك واعطـاك =لاتقصـر المعـروف منـي الياكـا
ان جاز لي لاماك جالـي بـلا مـاك =وان جزت عني جـاز حالـي بلاكـا
والله مع اهل الجود مد الك واعطـاك =واقبل ومـن غيـري تبـاه ويباكـا
ياجادلٍ ون جيـت اوصفـك واقـداك =لاعبـج لا عريـان عـذبٍ لمـاكـا
لا خوخ لا رمان ما اعرف حلايـاك =عـن كـل هـذا عايـزاةٍ حـلاكـا
ولاعنق ريمي الجوازي ليـا صـاك =ان شاف له ذيـره وزيلـه نصاكـا
ولا ضيمران وساقي العيـن ياطـاك =وعـلاه للفـي الظلـيـل انفـراكـا
ياعنبرٍ من عالـي الوجـن مجنـاك =مـا كـل رقـايٍ ليـا جـا رقاكـا
ولا محمل الشامـي ولا كنـه ايـاك =ولا انتـه بمثـل لـه ولاهوكماكـا
ولا من هل الغربي ولا التهم مربـاك =ولا من هل الخبت الحتـون الحكاكـا
الشرق مربى لـك ودارك ومشهـاك =دارك وديـرة حيـك اللـي ربـاكـا
وجدي على قربك وهرجك ولامـاك =لامـاك ياغروٍعـلـى مستـواكـا
لاماك لو امشي واقارن بـا لامـلاك =مافي يـدي الا عصـاي وعصاكـا
لاكن مـن دونـك حدونـي دنايـاك =دونـك حدونـي وابعدونـي ولاكـا
ان جيت ارودك يا اريش العين وابغاك =دونـك حدانـي واحـدٍ ثـم حداكـا
يالله ياللـي كـل عيـن تـرجـاك =ياللي جميع الخلـق تطلـب رجاكـا
انـك تديـره يامـديـرٍ بـالافـلاك =يالله يالـلـي لا الــه سـواكــا
يارب دعوة مسخـرٍ منـك وليـاك =يبغاك تطلق لـه هـذ مـن هذاكـا
اطلق شبك من منشبه عسر الاشباك =يـا الله يامطلـق قـوي الشبـاكـا
من منشبه عسر الشبك كيف ينحـاك =ينحـاك لـو مايحسبـنـه يحـاكـا
ويا رب يوم اطلبك واسألك وانخـاك =انـك لتقبـل دعـوة اللـي دعاكـا
كان اني امشي في مطوعتك وارضاك =ماذي ولا استاذي واعايـن رضاكـا
واهوه مواذيني وحتى انـت يعصـاك =ملعونٍ ايـواذي العـرب ويعصاكـا
وانك تحته مـن لزايمـك وعـراك =يـارب حتـه مـن لزايـم عراكـا
وانك تجيـه بحيتـن مـن حيايـاك =والا تجيـه بمـرودٍ مـن سمـاكـا
حديتني عنهم عسى الويـل يحـداك =عن شـف بالـي لا رحـم والداكـا
ويومني انخـا الله يضـرك بدنيـاك =ابغـا عسـاه يفكنـي مـن غثاكـا
لاشك قلبي مجحـرٍ منـك واشـاك =لاشـاك فـي حـالٍ وحـالٍ اشاكـا
لا شاك في حالٍ وفي حـال شكـاك =شـكٍ بــد حويرثـيـن حشـاكـا
وياقلب يوم انصحك واعذلك وانهـاك =عييت تقبـل دعـوة اللـي دعاكـا
اقـول تبعـك للغنـاديـر عـنـاك =عنـاك ياقلـب العنـا مـن عناكـا
يلعب بك اطراق الهوى ليـن غـواك =واليوم ميـز رشدكـا مـن غواكـا
لاعاد تعناني وانا عـاد مـا اعنـاك =مـن يـوم منحـلاً عليهـم رواكـا
ما احلاك يا قافن على ياك ما احلاك =انصح بك اللـي ياللحـون انتقاكـا
يلعب بك الشاعر على قـد معنـاك =وعلى هدف معنـاك يطـرح بناكـا
ستيـن بيـتٍ كلهنـه علـى يـاك =يازين ترتيبـي علـى قـاف ياكـا [/poem]



وهنا بعض قصائده على هذا لرابط
http://www.otaiby.com/dewan/forumdis...d=21&x=14&y=10