قصيدة ..غازي بن عون...في رثاء بن حميد..(جديده)

اعزائي اعضاء وزوار مرقابنا الشامخ

هذه قصيده الشاعر الكبير... غازي بن دخيل الله بن عون العتيبي
في رثاءالشيخ / سلطان بن جهجاه بن حميد رحمه الله واسكنه الله فسيح جناته


[poet font="Simplified Arabic,4,white,normal,normal" bkcolor="black" bkimage="" border="double,4,gray" type=0 line=200% align=center use=ex length=0 char="" num="0,black" filter=""]

مصيـبــة الهـــيــلا بعــد بـدرهـا غـــــاب=مـصــــيـبـةٍ على القبــــــــيلـه كـبــــــــيره
خطــبٍ دهانا لو يـصيـب الصـــــخر ذاب=مافالخــطـوب اللي دهتــــــــــنا نظــــــيره
خطبٍ وقع نجـــمه على نسل عتــــــــاب=من الداهنــه لاقصى مـضـامي عـشـــــيره
قبـيلتـه والطـيـبـيـن من الاجـــــــــــــناب=وفـاة ابو فيـــصل علـيـهم كســــــــــــــيره
حيث ان جـوده يـشمـل اقـراب واصحاب=جــوده للاجــناب يـتعـدا العــشـــــــــــــيره
كـسـيـرةٍ من عظـــمها الشــــمل منصاب=كسـر القبــيله ماتـضــــــــــمه جـبــــــــيره
عليه لو البــيض شـــقنّ الاســـــــــــلاب=معــهن عذر شــق الثيـاب الستـــــــــــــيره
وبعد الدغـــتـنا فجعته لدغــــــــــة الداب=بالشـــعر نبـدى ماتكـن الســـــــــــــــــريره
وغـازلت من بناته الغــفل الاشـبـــــــاب=اشــوم عن ســوده. واحـاول مـنـــــــــــيره
ولو فيه اروض عاصي العوب الاصعاب=ترقى صرح مجـده وتـرجــع حســـــــــــيره
المدح فالشــــــيخ اتراداه لو طــــــــــاب=ويـقـلّ مـع طـيــب المـــــزايا الكثــــــــــيره
الشعر مايوفــــــيه حــــــــــقه ولو شاب=ويـصـــيـر مهما طـال نـبــذه قـصــــــــــيره
اميرٍ لقــبـيـــلـتـه درع وحــــــــــــــجاب=يــصـــد غارات الخصــوم المغــــــــــــــيره
وإن كان به خــصــمٍ عليها فتــــــح باب=يحــتاط للموضــــوع شره وخـــــــــــــــيره
الخير كانه شــــاف للخـــــــــــــير طلاب=والشـــر لاصحــاب النوايــا الـشـــــــــريره
ويبذل لحل المشـــــكله كل الاســــــــباب=ولــو تكــبـر القـالات عـنــده صغــــــــــيره
وليا اشتبك شـر المشــــاكل والانشــــاب=عــوايـده حـــل الامـــور الـعـســـــــــــــيره
ويعالج امــــراضٍ تحـيّر ابهـا الاطـــباب=بـإدراك وبـحــكـمـه وعـرف وبـصــــــــيره
ليثٍ ليا منـه زئر داخــــــل الغـــــــــــاب=تـربـض اوســود الغـاب لاوحــت زئــــــيره
تلقى حــســـــانيه القبيله والاقــــــــراب=وعلى الـعـدى ضـربـات كـفــه ضــــــــريره
من يقــــــصده لا لاذ به طالبــه خــــاب=وكــــم لاذبـه مـن مـسـتـجـيـرٍ يــجـــــــــيره
ريف الــقـــــوايا فالشدايد والاجـــــداب=يــنــصــــونـه الـمـــسـنـيـن مــــن كـل ديره
هـداج شــــــــلاله من الجود عبـــــــاب=عن مــاه مــاتــنـشــــد وروده صـــــــــديره
هو والوفا مثل الشـقـيقـيـن الاحـــــباب=ونــوب الـوفـا مـنـه الـوفـاء يـسـتـعـــــــيره
ضنـيوا توام من الـترايب والاصـــــلاب=واصبح بدمـه واكـســجـيـــــنه خــشـــــــيره
واديـب لامـــنه فــــــتح بـــــــاب الاداب=بــيـــت الادب من نــــور عـرفــه يـنـــــــيره
دكــتــور والاســـاتــذه مـــــعه طــــلاب=جــهــــــبـذ جـهـابـذت الادب تـسـتـشــــــيره
متسلـسـلٍ من روس زاكـين الانســــاب= شــــيوخٍ تـعـلـى صـيـتـهـم فـالـجــــــــزيره
تــركي ولد صـــنهات وعبـــيد وعـقاب=وضيــف الله اللي مـايــوصــف بـغــــــــــيره
وشــــيخٍ منه جميع الاضـــداد هـــــياب=في مـامـضـى شــون الـقـبـيـلـه يــــــــــديره
مـحـمـد ولد هــــندي ستر تلع الارقـاب=ولا الـتـمـت عــتــيــبــه يقـــود الجـــــــريره
يقود هــــــــيلاٍ كنها سـيل هرجــــــــاب=لاولـــع الحــــراب للــحــــــرب نــــــــــــيره
سلـــطان جــدد مارثـت حـصن الاطلاب=ويوم ارتحــل عـقـبــه ذخــر لـه ذخــــــــيره
عــسـاه فالجــــنه مع العرب الاتــــراب=في روضــة الـرضـــوان عـيـنـه قــــــــريره
وعقــــبه من انجاله خـلايــف ونـــواب=رجـــالٍ يــبـون يواصــلـون الـمـســـــــــيره
اشبول الاسـد يحسب لهم عقبه احساب=والجود فيـهم. قــد لـفـانــا بشــــــــــــــــيره
منــهاج ابوهـــــم مالهم عنه مجنــــاب=لو طــرّقـه اللي هـو مـشـاهـا وعــــــــــيره
عمـــــدان بـيـتٍ له قرابـتهم اطـــــــناب=ذوي حــمـد روس الـجـمـوع الـغــــفـــــيره
من اولا المــعرفـه والحصافه والالبـاب=يـصـــير امـيـرٍ لـلـواء بعـــد امــــــــــــــيره
وصــــلوا على من جــاب سنه وبكتـاب=ماهــل من ديــــد الـسـحـــــــــــــابــه دريره

[/poet]



وتقبلوا تحياتي................ابن بداي