طريق المحبه !

تسجيل حضور جديد .. ومشاركة خفيفة وبسيطه ..


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عليك الله اكبر كيف ابا اصد وانساك = وانا اللي عليك اعيش ليلي ويومي
اعيشك وانا في عز عقلي والادراك = واعيشك بدون ادراك في عز نومي
تغيب الجوارح في منامي وتلقاك = وتضفي عليك همومها في حلومي
ولو جابت افواه المخاليق طرياك = اراجع حساباتي واضيّع علومي
اخفي ّ شعوري بين ذولا وذولاك = وأجمّل واجامل والضحيه همومي
اشيلك بقلبي واذبح الشوق وادراك = واحطك بعد ربي بذمة عزومي
ولو حاولت يمناك تفزع ليسراك = ماسوت سواتي يوم اورّد سهومي
من النود في كل السنه يومي الراك = وانا منك كل ضلوعي الحدب تومي
هذا وانت غايب واصدق العلم ماجاك = سماي العريضه لبدتها غيومي
وطريق المحبه كل يوم يتمناك = وانا آشر على حيد الطريق العمومي
ابي كلمة ٍ تنصف وصالك وفرقاك = وابي نظرة ٍ تجلي بقايا ثلومي [/poem]