مرثية الوالد رحمة الله عليه

[poet font="Simplified Arabic,4,white,normal,normal" bkcolor="transparent" bkimage="backgrounds/22.gif" border="none,4,gray" type=2 line=200% align=center use=ex length=0 char="" num="0,black" filter=""]
مقبلٌ للخير ياقبلة كريمين السبال=يااول المعروف والمعروف يمناك اوّله

نور وجهك يوم اطيّب هامتك نور الهلال=وقبل اوسّدك اللحد كني لمست البسمله

من تركت له المهابه من تركت لهالجلال=المهابه مالها عقبك مقر تنزله

في ضماير ربعنا عقبك هماليل الخيال=وفي وجيه الربع وان صدو ياكثر الاسئله

المواقف كنها عقبك دراويش الرجال=كل ماجاملت نفسي فيه عيت تقبله

ياعقال الراس ماللراس من عقبك عقال=عزوا النوماس عقبك ياحصانه واجمله

من تركت له الحمول اللي تضيق ابها الجبال= معظله لكن من غيري يحل المعظله

من علوم العود لي ماللحمول الا الجمال=ومن وصايا العود لاكبرت تهون المشكله

ومن وصايا العود لااحتك الحرام مع الحلال=بيع لاصار الثمن موت بحد المرجله

ان زرعت ازرع جميل يورث ايامك جمال=من زرع له سنبله تثمر بمية سنبله

الجفا له وجه لكن قص وجهه بالوصال=كان لابدك قطعت اقطع عروق الحنظله

خذ جواب يرفع الهامات عن ذل السؤال=وش تحراله ليال مقفيات مقبله

خل طعنك من يمينك في نحر سود الليال=ماحدٌ يطعن بسيف يامحمد ماهو له

يالله انك ترحمه واعداد ماذعذع شمال=يالله انك ترحمه وتبايحه وتحلله

طاعتي لله وصلت فيه حد الامتثال=مير روحي يوم اعاين في دلاله وانخله

احمد الله واشكره واستغفره في كل حال=لااله الا هو اللي حي لاملك الا له


[/poet]


وســــلامتـكـم