مشاعيب مدباس .... (9)

السلام عليكم







وين عادل راح ؟ لـدروب العتـام
................ ليه عادل راح ؟ يبقـى للطعـون؟
( عادل السلطان )

* وين رايح ؟ لاي درب ٍ ما يرجع للمدينه
.................. ليه رايح ؟ لان قلبك ماترك قلبي وشانه
( بيت لحامد زيد )

ينصر دينك يا عادل .. وانا اقول حامد زيد سارق منو ؟ سارق منو ؟ اثره سارقك ! الله يسامحك يا حامد !






ومهما وصلت من مراتب الشعر وأعلامه فأعلموا انها لاتهمني وانني مازلت تلميذ لمعلّمي الوحيد
الاستاذ الغاالي (الشعر)
( مبارك ابن عيننان )

* أعلامه !! اسمع يا ابن لعبون ! مشكور انك عطيت جمهورك فرصه يتواصل معك على الماسنجر !






" أن..ضامة " الحظ وبار وعاق
.............. مايحاكم الحـظ ل" أنضامـه "
( بيت لعبدالرحمن حمد )

* ما شاء الله عليك يا فهد عافت ! أجل : أن .. ضامه و أنضامه ! الصراحه اكتشفت الذره ! مبروك عليك ولا عاد تكتب قصيد !






فعلاً صور جميلة للحظات رائعة
( رد لناصر الهاجري على موضوع اسمه : ولادة في الهواء الطلق )

* ماني معلق ! تبي الصراحه احس أي تعليق ماشي صح ! عشان كذا علق على نفسك واحمد ربك على الستر !






والعين والفها السهر مدة شهر دون إنقطـاع
( شطر لناصر تراحيب )

* والله يا خوك دام قصيدتك فيها اربع ابيات مطلعها ( كنت اتعاطى ) ! مافيه شي غريب !






ربما يكون هذا الموضوع ضمن قائمة (المواضيع الغير مجدية)
( مقدمة لموضوع للبندري )

* تحيا الشجاعه الأدبيه خليك على احم احم يمكن مجديه !!






الحاصل انـي( كلمـةٍ ) ماتحكيـت
.................... ياخي غريبه صرت للـرد مكبـوت
( بيت لسنجار )

* تصدق أنك أحسن واحد يكتب الكلمات المتقاطعه في الشعر الشعبي !






لـو حليمـه بنـت بولند اعشقتني
............................ قلت يا بولنـد .. خذ بنتك حليمه
( توقيع لسداح )

* المدير صاير توم كروز هالأيام !! ياخوي خلك في شعر الأحداث وريّح حليمه قبل تنتحر عليك !