نجد

اخواني وأخواتي رواد وأعضاء المنتدى

يشرفني الحضور بينكم بأنتاجي المتواضع والذي أتمنى أن يكون له النصيب
في نيل أستحسانكم

الشكر موصول لمن أستقبلني منكم بالرد والترحيب أثناء أعلان وجودي بينكم.


والشكر كل الشكر لمن قدمني لهذا المنتدى الرائع ..........الأخ والشاعر المبدع أبو عمرو, والذي أغرقني بكرمه من خلال تقديمه الرائع والفريد وأتمنى أن أكون عند حسن ضنه وضن الجميـــــــــــــع...........!!!



[poet font="Simplified Arabic,5,black,bold,normal" bkcolor="transparent" bkimage="backgrounds/14.gif" border="double,4,gray" type=2 line=200% align=center use=ex length=0 char="" num="0,black" filter=""]
ألا واهني الطـير لا ضـاق صـدره طــار= طـريـقـه فـضـا والـلـي يـبـيـهـا يسـويها
ولا راقب الطارش يبـي منه طرف أخبار= يـجوب الـبلاد ويـاخـذ أخـبـار مــن فــيــهــا
وأنا في مـكاني جــالسٍ حــايرٍ مـحـتـار=أعــد الـسـنـيـن أيـامـهــا مـع لــيــالـيـهــا
أخــاوي هـواجـيسي الا ضاعت الأفكـار=هــواجـيـس تـال اللـيل مأكــثر طــواريـها
رمـتبي صـواديف القــدر بآخــر الأقـطــار= أمــورٌ عـسى مـنـهـو ومــرهـا يـسـويـهـا
احـب الـتـجــارب والـتـراحــيل والاسـفـــار=عــزومٌ ونـفـسـي بـالــصـعـايـب مضريـهـا
لكـن الـوطـن بـعـده على الـقـلب مثل الـنار= عـلى مـا يـزيـد الـوقـت يـزداد صـالـيـهــا
يقــولــون تـلـقـى يافـتـى بـالـديـار ديــار= وبـدل نـاسـهـا تـلـقى وجـيـهـا ً تـحـالـيـهـا
هــذا والـبـشـر مخـتـلـفـة الـفـكـر والأنظـار= أنــا أقــول مـابـه مـثـل نجــدٍ وأهــالـيهـا
سـقـى نجـد واللـي سـاكنه رايـح الأمطـار= تـعـل الـصحـار الـبـيـض ويعــل ظــاميهـا
وتـزيـّن صحـاري نـجـد بـالـزهر والـنوار= يـعـم الـربيع أوسـاط نـجـد وضـواحـيـهــا
عـلى شـأن لاجـيـنـا هـذاك الـبـلـد زوار=تـبـسـم لـنا عـقـب الـقـطـاعـه رواعـيـهـا
ويـزين الـتـمـشي فـي روابـيـه والمسيار= وتـهـيـا لـعـشـاق الـهـوى طــرد أمـانـيـهـا
ألا مـأخـبـل العـاشـق تـبـيـّن بـه الأسرار= ولـو هــو كـتـم دعـواه بـانـت مــواريــهــا
يـقـولـون حـب الـدار من حب راع الدار = وأنـا أحـب نـجــد بـحــب حـيىٍ ربى فـيـها
عسى أرضٍ قدم مظنون عيني عليها سار= تـحـوّل جـنـانٍ جــاريـه بـأمـر والـيــهــا
ولـيـفٌ بـلـجـات الحـشى دق لـه مسمار= مـلك مـا مـضـى لـي من حـيـاتي وباقيها
أبي الـقـرب مـنه وعـنه حـدتني الأقــدار=ضـروف الـقــدر تحكم وأنا مأقدر أعـصيها
وصـالـه بعيد ولو وصـلـتـه عليه حجـار= مـراحـي ومـقـعـادي تـسـاوت مـعــانـيـهـا
هـذا وأنـت لك يانجــد في داخــلي مقـدار=مـحـبـتـك فـي قـلـبـي رواسٍ مــبـانـيـهــا
مضى ما مضى في نجد وأصبح كما التذكار=لـيـال ٌ مـضـت في نـجــد مـاني بـنـاسـيـهـا
أطّـــرى عـلـيـه كـل ماقـيـل صـار وصار= لـيا أوحـيت جـلاسي تــعدد مــواضـيـهـا
مـتـى بـس يانجـد الكـرم يـنته المشــــوار= وتـريـح الـقـلوب اللـي ضنا البعد طاويـهـا

[/poet]