 |
 |
 |
||
 |
 |
|
|
|
|
||
|
|
|
 |
 |
 |
 |
|||||||||
|
||||||||||||
 |
 |
 |
 |
|||||||||
| ..: المرقاب العَام :.. مناسبات و اقتراحات الأعضاء - مواضيع منوّعة |
|
|
أدوات الموضوع | ابحث في الموضوع | انواع عرض الموضوع |
|
#1
23-09-2005, 02:11 PM
|
|||||||||
|
|||||||||
|
من يعرف هذا العضو (( 3))
[frame="10 80"]شاعرنا المرموق ماهي نظرتك للساحه؟
والله نظرتي لها ثاقبه جداً بس أنت حدد وابشر بالسعد وماهو سبب الثقب؟ والله مدري عن سبب الثقب مير يوّرالي انّه من قلّة الوعي لماذا وصفت نفسك بالمرموق ؟ تراني أمزح ولاتدقق واجد ياعكسري ماسر العداوه بينك وبين شعراء المحاوره ؟ والله ماني بعدو لأحد وتقدر تسأل شعراء المحاوره هل تقبل النقد ؟ بكل رحابة صدر وهل تعرضت للنقد من قبل الاخرين؟ النقد موجود في شعر وفي غيره اين تجد نفسك اكثر في المحاوره ام النظم؟ لاهذي ولاهذي مير متذوق للثنتين انت وشتقصد بالضبط؟ اقصد احد انتقدك؟ في ويش ,. فالشعر .؟ نعم نحن نتحدث في مجال الادب بانواعه؟ طيب يبو الادب , النقد واجد وتعرضتله ولازلت أتمتى انّي اتعرضله دايم مدري يتعرضني الوكاد انّه مايصير نقد جارح هل يوجد احزاب في المنتديات ومع اي حزب تنتمي؟ والله ماشوف أحزاب مغير أسمعبها ولاني تبيع لحزب ولالغيره الامسيه هل تعتبر مقياس لنجاح للشاعر؟ مقياس نجاحه ردود الافعال على قصيده والامسيات وصله بين الشاعر والجمهور الشاعر الصح يثبت والشاعر اللي دون يقعد يعني نجاح القصيده من خلال الردود لا القراءات ؟ فالمنتديات تقصد .؟ نعم لابالله لاردود ولاعدد زيارات كيف احكم انها ناجحه اذاً؟ والله الذائقه تختلف من شخص لشخص يعني يمكن تعجبني ماتعجبك , وشتباني أسويلك ومايصح الا الصحيح متأثر باحلام باغنيتها مايصح الا الصحيح؟ تصدق دمك خفيف البرامج الشعبيه هل خدمت الموروث واي البرامج يهويها شاعرنا ويتابعها؟ والله مدري بس الوكاد اني ماأتابع الا اذا طلع قدامي من هالنوع حتى المجلات ماأقتنيه شي واحرص عليه ماذا تعني لك الكلمات التاليه صح السانك مبدع جزله من جزل تعني لي تواصل العضو مع العضو الاخر بغض النظر عن المجامله ليش الى الان المجلات ماقدمت شي او لانها مانشرت لك ؟ والله مدري عن تقديمها , ومن ناحية النشر مادوره لافي برنامج ولافي غيره هل ثقه بنفسك ام غرور؟ الله يبعد عنّا الغرور والثقه موجوده في قصيد وفي غيره هناك من يتهم بان الابداع انتهى ماهو ردك؟ الابداع موجود حتّى فالمواتر , ماشفت الهايلوكس الجديد بيزعل خالد الحصين والدتسن مافيها ابداع؟ خالد الحصيّن ظاهره ابداعيه والددسن وجودها في قصيده يشرف وكيلها المعتمد الشاعرات لماذا يهاجمونهم الشعراء ويصفونهم بانهم لايجيدون الكتابه ومن يهويك من الشاعرات؟ والله ماتابع هجوم الشاعرات أما الشاعرات اللي فالمرقاب ماعليهن كلام بدون استثناء وخارج المرقااااااااااااااااااااااااب؟ اللي بعده يمكن الراسيه ترى قلت الراسيه عشان تزين السوالف ولا مهب من عرفيلها بسلامتها اللي بعده مارايك بمن يستخدمون الشعر للكسب المادي؟ والله لويحصلّي انا يامحاتسيك بعته ولاعندي فأطلق شنب وهل استخدمه يوم من الايام؟ اقولك لو حصلّي وتقول هل استخدمته عطني اللي يشتري بس وتبيع مشاعرك وضميرك عااادي؟ مشاعري وضميري , عطني فتوى بتحريمها وابشر باللي يرجع عن كلامه متى يصل الشاعر الى النجومية بنظرك؟ متى ماعيّن المركبه الفضائيه اللي توديه المهاترات هل تنفع الشاعر؟ ماني بقايل عادي بس عطني العكس وانا مستعد اتراجع عن كلامي المهاترات لسني أحبها انت مغرور حتى في اجابتك ماهو سبب غرورك؟ أجل تدري احمد ربك اني عطيتك وقتي الغالي علشان تسوي معي لقاء لماذا لاتحترم وجهة نظر الاخرين؟ والله وجهة نظرك على العين والرآس يبو مبارك بس انت اتهتمني لمجرد الاتهام زين كيف تم اختيار ايميلك؟ والله لونّه معروض فالسوق السوداء بس انا اللي محيّرني منو اللي قبل الثاني أنا ولاّ هو ؟ كم الوقت التي تقضيه بالماسنجر؟ النيه مطيه وانشد بندر الهاجري يعلمك والله ماش الماسنجر يدوخني ولاأحب أطول فيه من كثر المعجبين والمعجبات وتواصل من وتخلي من لماذا تحب الدبلوماسيه في اجوبتك؟ لأني حريص على جوازي هل صحيح ان الشاعر له طقوس معينه في الكتابه؟ انشهد وماهي الطقوس؟ الهدوء , دله وبراد , اقفال الجوال , كيف عرفت وانت تقول ماانت شاعر؟ الا شاعر من اللي قالك ماني بشاعر .؟ كم قصيده تكتبها في اليوم؟ الا قل فالسنه هل تستشير احد في قصائدك؟ لاوالله مااستثير وهذا الجانب السلبي اللي أعاني منّه , الا مره وحده بس مادامك جميل لماذا لاتنشر صورتك؟ وأين أنشرها ؟ في المنتدى لماذا ؟ قلب السحر على الساحر ههههههههه خابرك شاعر محاوره لماذا لاتمارسها خارج المنتديات؟ الله يرجك وانا مصلح النيه طلعت في حيد بندر الله يسامحه لولاه ماعرفنا العلوم هذي ههههه مارستها مرتين مدري ثلاث وكلها تحت بند ( وسّع صدرك ) لو عرض عليك احد بان تكتبله قصيده هل تكتب له؟ ايبالله ابكتبها لك وامرالله من سعه له شاعر تتمنى وجوده في المرقاب مع ذكر السبب؟ والله مدري واجد الشعار والموجودين فيهم الخير والبركه نجم خارج وداخل المرقاب؟ والله واجد وعلى سبيل المثال لاالحصر ( محمد جارالله شاعر تكره وجوده وصحفي يضايقك باسئلته؟ والله بصراحه الشعراء اللي أكره وجودهم واجد وخصوصاً في البرامج والمجلات الشاعر قلناه والصحفي انت بس منت غثيث جميع شعراء المجلات تكرهم؟ ياولد لاتبلاّ علي اقول في شعراء واجد يدبلون التسبد بخثاريقهم مهب واحد ولا اثنين هذا اللي قلته؟ قلت واجد ماقلت كل اللي فالبرامج والمجلات , ركز الله يصلحك انت شاعر مصلحه مارايك بالاتهام؟ أول شي اللي متهمني منهو ؟ انا؟ ماعندك سالفه يقال ان الشعر مايوكل خبز ماذا تقول؟ هذا يحسب الشعر وضيفه كلمة اخيره؟ اسمحلي ان جا مني اقصور يبو مبارك هذا اللي بقوله [/frame] 
تابعوني من خلال تويتر
alhagriali@ ((سبحانك اللهم وبحمدك اشهد إن لا إله إلا أنت استغفرك واتوب اليك )) الروافض هم من يرفضون الوحدة الوطنية ويقفون ضد دولتهم تابعونا بالضغط هنا 
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض الشجري