البنات الرفلات

انا من اشد الناس تعجباً واستنكاراً لحال المرأه
او من تسمي نفسها بنت لحواء
سؤال قد يتكنبس على مسامعها داااائما..
وهو : ادخلي للمطبخ وتعلمي الطبخ والنفخ لين رحتي بيت زوجك وش بتسوين له ؟؟؟؟

... سوف تكون الاجابه على حسب اصناف بنات جيلنا

== صنف سيقول :
اذا رحت لزوجي ابربيه واعلمه على ان الاكل بيكون كالتالي
الفطور -- ابسوي له سندويتش جبن واذا كان جوعان مررره سويت له سنوديشتتينيتنين <-- ( المثنى السالم لسندويشه )
الغدا -- على حسب اذا يبغى رز ودجاج فيه جمبنا مثلوثه يحبها قلبه .. واذا يبي غير اكثر ماكثر الله المطاعم انا عندي وظيفه او دراسه منيب فاضيه له
العشا -- النوم خفيف احسن والعشا موضه قديمه بس بالويك اند ( تالي الاسبوع ) نتعشا......


== صنف سيقول :
وش ابي بالطبخ انا منيب متزوجه الا واحد عنده بدال الخدامه سبع خدامات
وخداماتي كلهم ابيهم منسمات بالطبخات يعني مهوب اي خدامه (( شكلها بتعرس على مكتب استقدام ))


== صنف سيقول :
اذا رحت لبيت زوجي ذيك الساعه ابتعلم الطبخ انا الحين عند اهلي
وابوي الحمد لله مهوب يقصر عندنا الخدامات اللي يحوفونا ويشوفون طبخنا
(( يالمسيكنه ماتدرين اذا رحتي بيت رجلك وصار من ذولا الحارين المنسمين اللي مايواطنون الحرمه تجلس تسذا .. بعدها بتذوقين طعم الطبخ زييين ))

== صنف سيقول :
توني عن العرس منيب معرسه الا اذا اعرست باسكال الزغبي
طيب وش دخل الطبخ في باسكال ,,, الله يقطع بليسك يالمنسمه

== صنف سيقول :
منيب متزوجه على طول يعني اقل شي فترة الخطوبه سنتين ولا ثلاث لين اعرف زوجي زين ومنها تكون فترة تدريب لي على الطبخ .. وبعدين من قاله اني ابطبخ لحالي ... انا منيب متزوجه الا واحد عليه طبخ الغدا وانا العشا ... ولا اقل شي انه يساعدني بالطبخ .. لانه بياكل معي جعل بطنه ينشق " خافو ربكم فينا "


كل هالاصناف تندبج في ملف واحد لونه اخضر مكتوب عليه باللون الاحمر " رفاله "

رفالت البنت وعدم سنعها راجع لتربيت الام لها بالذات بنسبة ( 90%)
لانه بيدها تعلمها الطبخ والسنع وكيف تتعامل مع الحياة الجديده
وصحيح انه فيه بنات ربو انفسهم بانفسهم وصارو ونعم البنات وهذول من هداهم الله واصلحهم وهم وحده من عشرين يمكن

السؤال الان : على من تقع المسؤليه .. وماهي الحلول المناسبه ؟


الحلول بنظري ان البنت تصحا من غفلتها وتتلاحق نفسها ولو في اللحضات الاخيره ..........
لان الدلع الزايد مهوب نافع في بيت الزوج
بيت ابوك غير.......... وبيت الزوج غير
وحذاري من اختبارات الرجال تراها تخوف بعض الاحيان ..." ركزو على هالسطر زين يابنات ياحلوات اشربو الحليب "

وعشان نحفظ حقوق بعض بناتنا اللي اسمها مايندبج داخل الملف السابق
ولكن لها ملف خااااص لونه اخضر ومكتوب باللون النيلي " سناعه "

هي اللي نعتبرها بنت ولا كل البنات جامعه في التربيه كل الصفات
بنات اذا راحت للحموله قالولها الله يبارك باليد اللي ربتك ... واحسنت تربيتك
بنات الحمايل
لشوفت الزوج تفزع
ولبطن الزوج تشبع
ولزعل الزوج تمنع
ولراحت الزوج تدفع
وللستر تبحث وثوب الحيا عنها ما يخلع


المثل يقول ........(( ... الســنـاعـــه ..فـــنٌ .. لايُــكــنــز ... )) ...تم






















تشاو بدون رفاله