أكسجين الشعور !

السلام عليكم ورحمة الله وبركاته

واسعد الله جميع اوقاتكم بكل خير .. مشاركه جديده واقبلوا التحية والمحبة ،،




[poem=font="Simplified Arabic,5,firebrick,bold,normal" bkcolor="transparent" bkimage="" border="none,2,gray" type=2 line=0 align=center use=ex num="0,black"]
الليالي تقافا والكواكب تدور=والمحبه عليّ تحد سكينها
هي قديم الشعور وهي جديد الحضور=وين ما اهج عنها طحت في يدينها
آه والحب غيمه والاماني بذور=والقلوب الرحيمه ارض تكوينها
يا صباحٍ تعدت في هواه الطيور=مرحبا عد ما يصدم جناحينها
جابك الله وجيتي يا اكسجين الشعور=مير روحي خذيها لا تردينها
سكنيها بصدرك يا حرّاق الصدور=كان ما سلتك يكفي تسلينها
وش لها بالمناصب والفلل والقصور=حاجةٍ دون وصلك ديني ودينها
يكفي اني اعيش الليل والقاك نور=وان روحي تضمك يوم تدنينها
مثل ما شال عشب الارض صدره زهور=المحبه دخيل الله تشيلينها
تحت عقد الجواهر تحت فوح العطور=تحت ازره على السكر تزرينها
عن عيون الحسود وعن شعور الغرور=واحذري لا تبين فيك ثنتينها
دام زولك يورالي مابين السطور=القصيده عليها (( ختم يا زينها ))
مالحقني قصور وما لحقها قصور=وانتي اللي وقفتي بيني وبينها
وقفت العيد الاول بعد تسعة شهور=بعد صلوا صلاته مع مصلينها
والمعايد صباح العيد ذروة سرور=وكم قلوبٍ وفاها في شرايينها
والوفاء مرحله فالكون صعبة مرور=ما ازكيك لكنك تخطينها
في جميع الامور ولو بعض الامور=صدق تنسينها والا تناسينها
الاكيد ان عينك تستبيح محظور=عينك اللي تصوبني نياشينها
مير روفي بحالي يالجفول النفور=غطي العين والا لا تلدينها
لان عينك تخطى كل حاجز وسور=وانها تستثير شعور غالينها
والمشاعر بلاها يا اكسجين الشعور=المحبه وطاريها وسكينها ![/poem]





(( وسلامتكـ /ـم ))




..