الخـلايا النـايمه !

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مايمنع الحرص الشديد من القدر = من ينفعه ربي فلا أحدٍ ضايمه
الحكم للبر العزيز المقتدر = اللي على عبده بسط نعايمه
له الثنا والحمد في كل الصور = لو ماتكون أم الحوير رايمه
ياكثر ماأستلفيت صكات الدهر = وركابها بحمولها متزايمه
مسلم ولو ضاقت فلاني منتحر = وأنا أدري إن دنياي ماهي دايمه
باأوجه الموضوع لأصحاب النظر = والقاعده ماهي بمثل القايمه
يابو محمد دق ناقوس الخطر = والوقت ويش آعد من جرايمه
واللي يزيد الغبن ويزيد القهر = اليا أستوت كل الطيور الحايمه
وإلا أنت في عيني من ولاة الأمر = يوم الخصايم تدري بخصايمه
أنت الحزام اللي يشد به الظهر = ذراي لالف الزمن عمايمه
ياسيدي وأنت السحاب المنهمر= مر السناوي وأنظر لهشايمه
أنت الغنا للي شكا ضيم الفقر = وأنت الفنا لللي نقل نمايمه
ياصدق وإيمان الخليفه بو بكر = ياهيبة الفاروق ياشكايمه
لو إن به تعداد لأصحاب الظفر = فأنا أشهد إن اسمك يريس القايمه
والطيب والله لو يشيدونه قصر = إن ساسه أنت وسقفه ودعايمه
أنت الجبل ياعزوتي وأنت البحر = يأثقل ثقيلٍ يتعب اللي زايمه
يامسندي في الضيق واليوم الغبر = جيت أشتكي لك وقتي وهضايمه
أغلى ماعندي بعدك بيوت الشعر = والشاعر أثمن مد له وسايمه
لك أصخر القيفان وأنحت من حجر = متفرق هجوسي مع المتلايمه
رفيقي اللي طول عمره ماقصر = قريحتي لولاك بقيت صايمه
أشكي لك همومٍ تطارد فالصدر = في قاعه وريعانه وخرايمه
يابو محمد والسوالف لك جهر = لان البحر مرات يغرق عايمه
بالمال دمْ يحقن ودمٍّ ينهدر = وكم ياكل المولود من تمايمه
تفسيرها يعني يجيب الله مطر = وأبو العزايم تنكسر عزايمه
من كبّر اللقمه وسد بها النحر = ماقلت وش مدحاته وشتايمه
وأم الدواهي جدة الموت الحمر = من بعدها والهم كم هزايمه
البعد عنك وعن نسانيس الخبر = والنفس في حب المعالي هايمه
يابو محمد مابقى عندي صبر = وأنت تعرف ناصر ولانت بلايمه،
عنده محبة بدو لبيوت الحضر =لارسل هوى ليل الشتا نسايمه
مافيه مشوارٍ بلا دعاء السفر = والدرب شجعانه ورى هلايمه
مليت من لوحة حرض شجعه قطر = وأمن الطرق مليت من قسايمه
يابو محمد هات للغايب عذر = وسحر الغياب أحرق صحف عزايمه
وأنا أدري إن الهرج معدوم الثمر = فلا أنت بيّاعه ولا أنت بسايمه
ترى الهقاوي تو عيني تحتضر = في حرب ليل مدري إش غنايمه
وقضيتي موضوعها مهما كبر = فالعلم تصغر في يدك عظايمه
تكفى تعجّل لي بمردود الخبر = والاّ كلاني الغبن مع ولايمه!
في ديرةٍ قدت قميصي من دبر = والنفس عافتها وعنـها شايمه
العلم كله بالمفيد المختصر = جدايده هذي وذي قدايمه
أما تزعّلني على كل البشر = وإلا تصحّي لي الخلايا النايمه![/poem]

* ابو محمد هو علي بن محمد بن قريوي الأحمري