الكلام المعتمد

السلام عليكم ..


متواضعه وتعبر عن مضمونها .. أرجو لها القبول ،





[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
مـن منطلـق تحليـل وجهات الأنظار=كل ٍ يفسـّر مـا تشوفـه عيونــه
.
.
فـ الموقف البارد وفـ الموقف الحار=للصـدق وجـه ٍ بيّض الله لونـــه
.
.
لكن على ماقيـل .. شبـّابة النـار=تقلب معايير البروده سخـــونه
.
.
في منتدى المرقـاب شعـّن الأنوار=وبين الرواسي ما تزحـزح ركونه
.
.
مدام في راسه مواكير الأحـرار=والله ليـفنى ما تجيه المهونـه
.
.
على المواقع كلـّها سوبر ستار=وتكرم عن التشبيه جملة فنونه
.
.
تصدّر التصنيف في نوع الأشعار=يصنّف أهل الشعر ويصنـّفونه
.
.
يا جامع النخبه من اعضاء وزوّار=الحق توفيه الرجال وتصونــه
.
.
على النقا سباّق في كل مضمار=زبون من يرفع مقامه زبونــه
.
.
غالي وله قيمه وحشمه ومقدار=اللي عليه الحب يضفي ردونه
.
.
يشهد عليه إصدار وإصدار وإصدار=ولا همّه اللي عقبها يجحدونه
.
.
ولاهو لحاله بين وافين الأشبار=ترفرف الأعلام خلفه ودونه
.
.
والحق يظهر يا طويلين الأعمار=لو بعضكم ما ودّهم يظهرونه
.
.
اللي يغط النور خاين وغدّار=يضحك وراسه ناشبٍ في متونه
.
.
بالسمن يدهن لحية ٍ مالها كار=وان جات شمطا لا تروح أمحسونه
.
.
هذا الكلام المعتمد سرّ وإجهار=من خاطر اللي هاجسه ما يخونه
.
.
يا كاتب الموضوع فـ أهم الأخبار=أكتب عن المرقاب ماله نمونه [/poem]



وسلمتوا ،،