مجاراه لسداح

ماكنت في نفس الحالة قبل اقرا سداح ، استفزني واخرجني من نفسي أو ادخلني فيها ، الله اعلم

لقيت نفسي اهذي بمجاراة فورية لقصيدته الرائعة
رمز السلام
وبين يديكم ويديه اضع هذياني بدون مراجعة فاستروا مابتواجهون :


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من قبل لا اقراك ياسداح محتاره=من هامة الراس لين اقدام رجليه

بس التفت في يمين الطرس ويساره =من هول ماصابني قمت افرك ايديه

موجات مخي تلاذع وانطفت (ناره) =وهي قبل لا تصير الفاجعة حيه

لكن غلي الكلام وغليت اسعاره =من شاعرِ كلمته ميه على ميه

شاعر حدث متزن معناه وافكاره =كتب وترجم مشاكلنا الحقيقيه

للحين حنا على موال ياجاره=اطلال واحزان ومعاناة وهميه

للحين حنا ياليلى علمي ساره =انا ابن اكابر وهي جيكر وفقريه

اسرا المدارك بهذا العصر وابهاره=نمدح ديانا ونلعن جد بدريه

هذاه حال الشعر واحوال شعاره =البعض منهم قِطع شعره وطاريه

الامه بحال مزري يصعب انكاره =الموت مجتاحها والقوم افنديه

اشوى ماقلوا رقد واركى على الطاره =سواق رحلة سفين الموت . عاديه

هي حادثه عارضه ياحيها بشاره =لكن على مين مكتوبه ومقريه

(من ريّس الدوله إليا عمـدة الحـاره=الشعب محروم والسلطـه حراميّـه)

راحت سفينه وباص وراح طياره =راحت دول بين ضرس الكذب والحيه [/poem]