قبر من صـان المـودة

هذه القصيدة للشاعر محمد الفيحاني ( سبق ترجمته في سيرة شاعر) , وقد قال هذه القصيدة وهو على فراش المـوت , رحم الله شاعرنا .
[poem=font="Simplified Arabic,4,crimson,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ماسمح قلبي يروح ولا يرى = زول محبوبه ولو هو من بعيد
لو يبين من الجبل لي من ورا = ديرته تطفي لهيبٍ به وقيد
اه وايلاه ياليته درى = كيف حبه في حشا روحي تزيد
او تدرى اني منه قد حالي برا = ذايب بالي عقب ماهو حديد
وان من الابعاد موحي المقبرا = يحفرونه لي وموقن بالوعيد
يالزيمي قول للي يحفرا = يوسع الملحد على شان اللحيد
ويحجز ما بيني وما بين الثرى = عن عظام ناحلات كالجريد
وانت يادفان ياللي تقبرا = يا مهيل الترب بالسرعة مجيد
حط من فوق القبرحتى يرى = بنيتينٍ كالنصايب له شهيد
يعرفون القبر من جا ينظرا = يعرفونه قبر مذبوح الوديد
قبر من صان المودة واسترا = قبر من لاخان عهدٍ للعهيد
من صبر للحب حتى بترا = زرع قلبه واودعه حب حصيد
تم عامين بجوفي ينسرا = نسر ملهوف الضواري في المصيد
كود لي من جاه علمي يذكرا = وانعتوا قبري لمعلوقي وكيد
ياتي لقبري ويذكر ماجرى = يوم انا وياه في الدنيا عضيد
ويترحم بالدعا لي من قرا = يوم خلاني وسط قبري وحيد
وان سمح بالدمع ودي ينثرا = فوق قبري عبرة مثل الوليد
اه منه لين صد ودبرا = رايح عني وخلاني فريد
كيق قلبه ساعفه ثم اصبرا = كيف رجله له مشت فوق الصعيد
والذي هو غادي دونه ذرا = فدوة عن كل من جاله ضديد
كيف اجل لو مات وانا له ارى = كان طريت السلب طر العنيد
واحترقت وكان قلبي قد ورى = شب نار كنها نار الوعيد
تحتطم وسط الضمير وتسعرا = ما يبردها لو ثلج الجليد
ثم تلقاني على روس الذرى = نايح مع كل قمري يشيد
لين غرد طال نوحي واظهرا = وان هجع جريت انا نوحي سهيد
وانهمل وانهل دمعي وامطرا = مقلتين العين وادعاها هميد
ما هقا اني من عقب موته في الورى = عايش والا انا مثله في هميد[/poem]
المـرجع : مجلة المختـلف ع 151 (ملف وسـم )


والعذر والسموحة على التقصير