رباعيات 2 .. بإختصار ((غالب+ بندر ** خولان+الحصيّن ))

السلام عليكم ورحمة الله وبركاته

هنا ثاني ليالي الرباعيات

للشعراء المبدعين

غالب الشريف + بندر الهاجري و خولان بن عامر + خالد الحصيّن


مع انه كان التنسيق ان يكون الشاعر ابراهيم الشيخي موجود ولكنه اعتذر

وكان من المفروض ان يتواجد الشاعر ناصر الاحمري ولم يتمكن من الحظور واكمل الحصيّن بدلا عنه






وهنا البدايه من غالب الشريف

سلام ما عندي ( سلام ) ... يالربع هاتوا ( المكرفون )
ـــــــــــــــ ذالليل نار ٍ ( تصطلي ) ... ( و معيض في دولة قطر )


بندر الهاجري

يالاحمري عندي كلام ... ذليل والكايد يهون
------------------------ محسوب والمخرج ملي ..ومعيض في دولة قطر



خولان بن عامر

سلامك اللي قبل عام 0 بين الحواجب والعيون
لاعاد تتكبر علي 0 ومعيض في دولـة قطـر


خالد الحصيّن


يالربع ذي نقطة نظام .. اموون والا ما امووون
ـــــــــــــ الاحمري ورا السلي .. ومعيض في دولة قطر !



غالب الشريف


يا حسني افزع مع حسام .. عانه يطامر في ( الفنون ) ..
ــــــــــــ طقوووه محمود و علي .. ( ومعيض في دولة قطر ) ..


بندر الهاجري


اقول فعلا ياحرام.. بعد اختلف عشرين لون
-------------------------- ياخالد اذبح لك طلي .. ومعيض في دولة قطر



خولان بن عامر


ارفق بروحك ياغلام0لاعاد تتطمر في الصحون
وان قلت سجل مايلي: (ومعيض في دولة قطر)


خالد الحصيّن


النور جلاي الظلام .. والبرق فلاّج المزووون
ـــــــــــــ لو لا صفير البلبلي .. ما روّح معيض لقطر !



غالب الشريف


خولان في بحرالغرام قامت تخطفـه الظنـون
وانا احسبٍ قلبه خلي (ومعيض في دولة قطر)



بندر الهاجري


ذاخرك لي درع وحزام .. والغيب مدري وش يكون
----------------------------- ياسيف ابو طالب علي ..ومعيض في دولة قطر



خولان بن عامر


راعي المحبة مايلام0ياجر قلبي بالغصون
جر السواني لدلي0ومعيض في دولة قطر



خالد الحصيّن


لا ثار في جوك عسام .. واختلفت كبار الظنووون
ــــــــــــ يا الدّ لك .. يا تلدّ لي .. يا نلحق معيض بقطر !



غالب الشريف


لولا عزيزين المقام .... قمنا نصيح (إ) من الديوووون ..
ـــــــــــــــ نصيح و القدر يغلي ... ( و معيض ياكل في قطر .! )


بندر الهاجري


وشلون تفسير الحلام .. ياصحابنا اللي تحلمون
------------------------- ماعاد يزعلك زعلي.. ومعيض خله في قطر



خولان بن عامر


االعام يوم الطير حام 0 والجوع ممرح في البطون
مافيه بطن ممتلي0 (ومعيض ينفـخ فـي قطـر)


خالد الحصيّن

ترا البعير بلا سنام .. ينباع ويلّحق كوبون
ـــــــــــ لكن يا طيب جملي .. ومعيض خله في قطر !


غالب الشريف


تاليتك (إ) تطيـّـر حمام .. بتموت ما حصّلت لون ..
ـــــــــــــــــ و تصيح .ربعي يا هلي .. ( و معيض يضحك في قطر .)


بندر الهاجري


اغواك ملعون الرسام .. ووصلك حد الجنون
----------------------------- وش قلتلك وشقلت لي.. وبن خليفه في قطر


خولان بن عامر


ياهيه يالحر القطام0 ترى اخويانا ينقدون
خل العلوم اتجملي (ومعيض باقي في قطر)



خالد الحصيّن


يا قوّ .. قوّة الالتحام .. ويا ضعف ضعفتس يالمتون
ــــــــــــــ واليا نخلنا المنخلي .. ينسى معيض اهل قطر !



غالب الشريف


ابدا" ترى اوضاعي تمام ... امزح مع اللي يمزحووون ..
ــــــــــــــــــ و الارض نايشها ولــي .. ( ومعيض كاشت في قطر .!! )



بندر الهاجري


الضرب من تحت العظام .. واصفق مع اللي يصفقون
------------------------------اكبر مصيبه يالشلي.. دام الدعاوي في قطر



خولان بن عامر


السلعة اللي ماتسام0متى متى تلقى زبون
الله يعافي المبتلي0ومعيض كم له في قطر




خالد الحصيّن


انا على صدري وسام .. وانته على صدرك شجون
ــــــــــــ هذا حسب ما بان لي .. ومعيض لسّـه في قطر !



غالب الشريف


الصبح قافينا دوام ... هو ما نواكم تمرحوووووووون ..؟!
ـــــــــــــــ شكرا" لكم .. شكرا" إلـي ..... ( و معيض يمرح في قطر .. )


بندر الهاجري


دامك نسيت الاحترام ..اشره على اللي يعرفون
-------------------------- انا رفيعن منزلي .. والاانت طبّل في قطر



خولان بن عامر



الله يهنيك المنام0غمض عيونك والجفون
والشافعي والحنبلي0ماهم يحبون السهـر