سـارية روحي ,,

السلام عليكم

عوده لكم احبة المرقاب ,,,
وهذي المتواضعه علها تمشّي حالهامع ابداعاتكم ,,

ودمتم

[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الو ,, مرحبا ياللي ضرب رقمك الارقام = بسولف عليك شوي واسمع وصدقني
بعد ما انحجب حسّك تغطرس وسمعي صام = اثر ما يعلق خط همسك يعلقني
وش الفايده واروح لك جلد فوق عظام = لك الله ماغير غيابك الشين مرهقني
حدود الزعل ساعه وما زاد عنه اجرام = بحقي وحق الشوق والصمت خانقني
لا شفت الجزيره بثت محاكمة صدام = تمنيت منك العدل لو كان تشنقني
لا تزعل شوي وتعتذر بـ (الوعد قدام ) = بعد ما سرقت العمر والعمر يسرقني
صفق موج حبك سارية روحي من العام = ولا قلت لك غرقان ,, لا بالله اغرقني
وادوّر عبيرك مع هبوب اليمن والشام = وينطق لسان الحال تكفا معك سقني
اخر صوت لك ما بين روضه وحقل الغام =بالاولى تمتعني بالاخرى تطوقني
تخيّر وعطني ما تبي وازهل الايام = وحدد هدف مفهوم واسلم وسابقني
لكن المكوث بدايره والمحيط اوهام = غلـط ,, وانت من دون الوفا ما تحققني
انا واعترفت برغبتي ما اعترفت الزام = وابي رغبتك وان كان قصدك تفارقني
هذي زبدة الموضوع دنيا وهن وحطام = ولا عاد في تيارها اللي يشوقني
لو انه بكيفي ما رفعت لهواك اعلام = لكن هاك جمر اشواقنا قبل يحرقني
ما دام الوفا ما دام حتى الغلا مادام = تدور الليالي ؟ خلّها ,, لا توهقني [/POEM]