وش السواة ياحمود بن شنيف؟

..............






يابوفهد وأنت سيفي وأنته حزامي

ـــــــ فالمعضلات احتزم بك واتحداها

من شاور العارفه ماهوب ملاّمي

ــــــ وأنت المعَرفه معك تاخذ من ادناها

وش السواه بْمصير العالم النامي

ـــــــ والحـل .. في درّةٍ مايوجد حْلاها

درّة بحر ماتباع لكل سوامي

ـــــــــ وحظيتي يتعب السبّاح ماجاها

مختبْيةٍ في بحرها .. والبحر طامي

ــــــــ ماهيب ياحمود دوّرها .. وتلقاها

تجّارها بالمزاوَد سوقهم حامي

ــــــــ حضْرٍ تحد الشراطيه على أقصاها


وأنا علاها تعِبت .. وتعْبت أقدامي

ـــــــــ ومن أجلها ماجهود ألاّ بذلناها

وأزريت والحظ معها طاح ماقامي

ــــــــ أقفى بها الحوت والامواج تقفاها

وجداي في مافقدته عظّة ابهامي

ــــــ وصفقٍ على راحة اليمنى بيسراها

ماغار أردّد كلامٍ قيل قدامي

ــــ ( عيّوا علاها .. وأنا عيّيْت لا أنساها )