ياهل الزرفات ... ابن دويرج

من أجمل القصائد النبطيّه للشاعر عبدالله بن دويرج وقد تغنّا بكلماتها على قوس الربابه الشاعر والعزف المعروف عبدالله بن ضميد

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياهل الزرفات بكره كان مريتـوا طـوارف خلـي = خبروه اني شكيت الهم والسامـوح عقـب فراقـه

مانسيت الصاحب اللي بالموّده والهوى صافي لـيّ = جالي أصفا من غدير (الجلت)وحلا من حليب الناقه

مانسيته يوم أنا أنهل من كما..ذوب العسل واملـي = خابرٍ نفسـي عيـوف ولاتدانـي عقبـه العشاقـه

مع ثلاثٍ عارضني صبح يـوم العيـد دق وجلـي = وصفهن ثنتين جـل وثالثتهٍـن بالوصـوف ادقاقـه

أنهب الممشا لجلهن ميـر أهـن ماودهـن يدنلـي = كـل ماقربـت منهـن خالفنـي وقطعـن الساقـه

يالطيف الحال غظّات الصبايا كيـف مايـاون لـي = حملنيّ من كثيب الرمل ملمـوض وعليـه وساقـه

صابني منهن هنوفٍ من لماهـا علتـي ودون لـي = ودي أصبر مير قلبي من فراقـه غـاديٍٍّ حراقـه

صرت مثل اللي يعبر في زمانه كل حـل بحلـي = الله أقوى كل عبـدٍٍ مشتكـا حالـه علـى خلاقـه

كن عينـه عيـن شيهـانٍٍ ربـا بالنايـف المتعلـي = أو كما عين الغزال اللي يلـد أبهـا علـى دراقـه

جادلٍ تل الضمايـر فـي كلاليـب المحبـه تلـي = تل هجنٍٍ في سموم القيض عطشا والشراب شفاقـه [/POEM]

ملاحظه : كلمة الجلت في البيت الثاني تعني ( ماء المطر اللتي يكون في منقع من الصفا في الصحراء) ويتميز هذا الماء بطعمه وصفاوت بريقه فوق الصفا