باختصار.... شجاع +مناحـي >><< مسعـود +سعـود

السلام عليكم ورحمة الله وبركاته

هنا اختصار المحاوره الرباعيه المباشره

بين المبدعين

شجاع المشدق + مناحي.... & .... مسعود المقاطي + سعود النفيعي

وكانت ليله رائعه بروعة الشعراء والحضور ,,,,,

اليكم ,,,,,,


مناحـي
سلام الله برديـه طعمهـا مثـل طعـم الهيـل
وطعم الهيل ما يخفى الرجـال اللـي يعرفونـه

شجاع
حضور اهل الوفاء واهل الشرف دايم يزين الليل
وراع الظن باهل المعر فـه ماخابـت ضنونـه

مسعـود
هلا يامرحبا وش صار جافلعلـم حـط وشيـل
وانا من عصر عندي علم عن سره ومظمونـه

سعـود
كلامـك صـح مايحتـاج للتحليـل والتعليـل
خصوصاً بعد كيف الراس للي جـاء يصبونـه

مناحـي
يا مسعود المقاطـي جايـز التكبيـر والتهليـل
بعد فرض الله اللـي يـا عبـاد الله تصلونـه

شجاع
مادام ان الرجال اهل الوفاء ماينقصون الكيـل
اجـل حنـا بخيـر ودوره الايـام مامـونـه

مسعـود
تراها واضحه ماعـاد نبغـى لعبـة التمثيـل
مادون العلم يـاراع الوفـا والعـرف مادونـه

سعـود
تقوله وانت فالوادي الكبير اللي لا جاه السيـل
يبا كلن منـه ياخـذ ولـو رشفـه بماعونـه

مناحـي
ليّا غاب الجدي يا صاحبي يكفيك نجـم سهيـل
وهـذي كافيـه والثانيـه لاهنـت مركـونـه

شجاع
ترا الوادي حصين ودونه الفرسان فوق الخيـل
ولو سـال ونبـت نبتـه لـك الله ماتذوقونـه

مسعـود
انا ماقلت فيك اقصور من قومٍ تعدل الميل
لاكن الهاف قفى من تلوى في دركسونه

سعـود
لك الله مانعاين في نباتٍ حول شط النيل
عساه يسدكم لاصرتوا تحامون من دونه

مناحـي
عسى ربي يبارك لـالعرب في خدمة التوصيل
وسواق الونيت اللـي عليـه يعـد طبلونـه!

شجاع
تعاين. ماتعاين.ورثنا .ميراث جيل لجيل
احليل سعود .سرا ليلنا بافكار مجنونـه

مسعـود
اعرفك يامناحي تعشق التصفيق والتطبيل
لاكن احذر من الدنيا لها لفـه وملعونـه

سعـود
تبا عاد الصحيح انا ما اعاين غار بالدربيل
واشوف اللي ما والله يا ابيض الشارب تشوفونه

شجاع
انا وشلون ابا اعدل رقابك ياجمال عقيل
الى درهم حداها نشبت لهاته بحنحونه