الشاعر زيد بن بليهيد الثبيتي (رحمه الله)

القصيده موجهه لصاحب السمو الملكي الامير احمد بن عبد العزيز ال سعود هي من ارشيفي الخاص

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]واهمي اللي ضاع فيه العلاجي=اكبر من البترا وابانات واسواج
اظلم على قلبي كما الليل داجي=بين السواعد والمحاني له امواج
اظلم على قلبي وكّدر مزاجي=يامن له القدره على كل من داج
انا لفضلك يابا الافراج راجي=ادعوك باسماك العلا يابا الافراج
من عقب ذا يا اديب خل الحراجي=وانص الجميح مورد الجمس بهاج
واركب على جمسٍ يبوج الزراجي=يطوف عجلات الكدالك والادواج
النار تقدح من ثمان البواجي=والنور في مقدم حجاجيه لعّاج
ولا عليه لطالب الباج باجي=من الوكاله دفّعت الرسم والباج
الى ظهر له مع رفاعه وراجي=يشبه لشيهانٍ عقب ماشهر راج
خل القصيم يسار وانص السراجي=نوره يناديلك على روس الابراج
واليا وصلت اوقف بوسط الكراجي=وخله يمارس راحته عقب الادلاج
حّول وخامس فيصليٍ هجاجي=بالمعرفه كنك على جال هداج
اقدم وخامس نادرٍ مايعاجي=الفيصلي عن نصرة الحق مايعاج
احمد حليف العدل طلق الحجاجي=بالعدل مايسمع حكي كل هراج
وقله ترانا يا حجا كل لاجي=بين الحقد والحسد رحنا فدا حاج
راحت بنا الايام في حق عاجي=وصرنا لعبثات التدابير مسهاج
صرنا فريسه للثعل والنعاجي=وفرخ الحمامه صار له عين وحجاج
من عقب ماكنا نخوض العجاجي=ونطارد الفرسان مخلين الاسراج
رحنا علف لمنتفات الدجاجي=صفر العيون اللي تفرخ بالادراج
مولاي عندك حجتي واحتجاجي=وانا لتوجيهاتك البيض محتاج
يامسندي من فمك قل للعواجي=قولٍ ينادي للفرج عقب الاحراج
انت الذي عليك للعدل تاجي=والنور من مفعول كفيك ينباج
عساك من كل الصواديف ناجي=وشرك يوّلي من ورى ساحل العاج[/POEM]