قالها جدي وجدك .....؟!!

[poet font="Simplified Arabic,5,white,bold,normal" bkcolor="transparent" bkimage="backgrounds/15.gif" border="none,4,gray" type=2 line=200% align=center use=ex length=0 char="" num="0,black" filter=""]
قالها العالم سلامة عقلنا بجسمٍ سليم = والبدن لو كان صاحي ما شكا بعض الوهن

السلامه في جسدنا ماهي بزيارة حكيم = والوقاية من مرضنا تشترى بأغلى ثمن

الرياضة راس مالي في الرخا والله عليم = لا تفرّط في شرابك وأقشر الزاد السمن

أسمع الكلمه وحلّل بالمعاني يا فهيم = من ملا بالزاد بطنه المرض وسطه سكن

سكّر لو جاك حالي بالحلا سمه يديم = الزعل والضغط واحد صارت بدمك وطن

الرياضه الرياضه قلتها وماني غشيم = من مشى باليوم ساعه أهتنى في ذا البدن

طلّق الرجلين وأنشق هبات رياح النسيم = من جلس دمه تجلّط قلتها لك بالعلن

قالها جدي وجدك بالزمان اللي قديم = من تحرك بيتبارك والمعالق ما شكن

واشرب بصبحك حليبٍ لا تقول إني فطيم = تنجبر عظمات كسرك لا تهاوت وألتون

بالفطور خلّك أميرٍ من كثر ماله عظيم = وبالغدا خلّك وزيرٍ والعشا ماله مكن

والله الله بالفواكه والثمر يومه زعيم = أرتكا والعرش طاله والهنا فيه أقترن

واحذر أحذر من لفافة تبغهم يابن الكريم = كم زقاره في زقاره قرّبت منك الكفن

وبكّر بنوم الليالي والسهر ماله نديم = من سهر ليلين وأتبع في ثلاثه يستجن

النظافه النظافه قالها رب الكليم = ومن ترك منصوح ربه يركبه كل العفن

انصح اللي ما هناله ينتهي عمره سقيم = اسمع لقولي وجنّب روحكم لا لا تون
[/poet]